مان گونگو، تون گياني

ي جي ”ماڇري“ بلڪه ٻين جا حصا بہ کائي رهيو آهي، هر وڏي مڇي ننڍي مڇيءَ کي کائي ٿي.

ان منظرنامي ۾ جيڪڏهن ٻگھہ پکي ”ماڇري“ ڳولڻ ۾ مصروف آهي تہ ڪھڙي اربع خطا ٿو ڪري؟ اهو افسوس باقي رهي ٿو تہ سر ۾ هنج پکي ڪو نہ ٿا ڏسجن! ملڪ مان هنج گم ٿي ويا اهن، ٻگهلا ۽ ڪانگ پاڻي ميرو ڪري رهيا آهن، بلڪه پاڻي وڃائي ڀينگ ڪري ڇڏيو اٿائون.

اها دانھن ڀٽائي صاحب بہ ڪئي، مون ورجائي تہ ڪھڙي نئين ڳالھہ ڪئي اٿم؟ آئون ڪنھن بہ غلط فهميءَ ۾ ڪو نہ آهيان ۽ هوش حواس سان چوان ٿو تہ پاڪستان جا بادشاھہ سلامت، انھن جا وزير باتدبير ۽ رفقاءِ ڪار بہ ”هلو! هلو!“ گهڻي ٿا ڪن پر ڪنھن کي بہ خبر نہ آهي تہ هيءَ مسافري ڪھڙي رخ ۾ ڪھڙي منزل طرف آهي. هو سڀ هن ملڪ پاڪستان جي نصيب کي ايئن پيا کڻي رلائين جيئن هڪ پنجابي فلم جو مشڪرو هيرو پڇندو پيو وتي تہ، ”منجي ڪٿي ڍاوان؟ ڪھڙي پاسي جاوان؟“

هڪ سنڌي شاعر چوي ٿو، ”دنيا ڏاڍي ساڙولي آهي!“ ڪبير داس چيو، ”دنيا ڪاري ڪوڪري (ڪتي) آهي،“ اڃا بہ سچي ڳالھہ آهي تہ دنيا جا سڀ رشتا ڪچي ڌاڳي سان ڳنڍيل آهن. سڀ کان پيارا ماڻهو بہ وڇڙي وڃن ٿا ۽ پوءِ هوريان هوريان اهي بہ دل ۽ دماغ جي ڪنھن تہه خاني ۾ پاڇولن وانگر رهجي وڃن ٿا. سياستدانن جي سياسي رشتن جي تہ ڳالھہ ئي نہ پڇو! سياسي جماعتن جون شاديون، نڪاح ٽٽڻ ۽ ٻيھر نڪاح ۾ اچڻ يا نئون نڪاح ڪرڻ تہ ذڪر جھڙيون ڳالهيون ئي نہ رهيون آهن. پير صاحب پاڳاري جي جماعت اڄ متحده ليگ کي طلاق ڏيئي ڇڏي آهي ۽ پنھنجي فنڪشنل حيثيت بحال ڪئي آهي، تہ ڪا وڏي ڳالھہ ڪو نہ ٿي آهي. سڀاڻي متحده سان ٻيھر عشق ٿي سگهي ٿو فقط ”جاٽ“ وچ ۾ نہ هوندو جيڪو هونئن ئي مهمان اداڪار آهي. سچ پڇو تہ اسان سڀ مهمان اداڪار آهيون. جهيڙو الائي تہ ڪھڙي ڳالھہ تي آهي.