ابڙو اڪيڊمي Abro Academy
2020-11-05
داخلا نمبر 1129
عنوان ماڻهو هيڏانهن هوڏانهن ڇو پيا ڏسن؟
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1234
داخلا جو حوالو:
هن داخلا جون تصويرون نه مليون
نڙ جيل ۾ نه هجي ها! انڙ ته وري به پئسي وارو ماڻهو آهي ۽ ماڻهو چئي سگهن ٿا ته ”سڀ پئسي جو ڪمال“ آهي پر هي شمس الدين جوڻيجو ڪير آهي جنهن جي آزاديءَ لاءِ ڀٽائيءَ جي بيت سان پوسٽر ڇپايو ويو آهي؟ شمس الدين کي پارسا سڏڻ ۾ مسلم ليگ (ن) عمرڪوٽ جي يوٿ ونگ لکي ٿي ته ”هن تي الزام آهي ته هن ٽي ٻوريون مرچن جون چورايون جڏهن ته هو هزارين رپيا خيراتون ڪندڙ سٺو سياسي رهنما آهي.“ هي ته واقعو ڪو چڱو ماڻهو چئبو، جيڪو اڄ جي ان دور ۾ جڏهن چريا کريا به عير مشروط ووٽ ڪو نه ڏيندا آهن، هو غير مشروط هزارين رپين جون خيراتون ڪري ٿو! پوسٽر ڀلي ته ڇا به چوي، ”هيرو“ جي پد جي خبر پئجي وئي.
ڳالهه سڌي سادي آهي. سهپ جو مادو حڪومت وٽ به پورو سارو ٿو لڳي. جتي سهپ ناهي اتي ڪا به چڱي ڳالهه ٿي ئي نٿي سگهي، جمهوريت به نه، ان ڪري چئي سگهجي ٿو ته اسهپ جي غير جمهوري روين قوم کي اهڙا ”هيرو“ ڏيڻ شروع ڪيا آهن جو سڀاڻي خدا جي خلق وڏي آزار ۾ اچي ويندي. شايد ٿورن ئي ڏينهن ۾ ايمنسٽي انٽرنيشنل هن همراهه کي به ضمير جو قيدي قرار ڏئي ڇڏي! عوام کي سهپ جي تلقين ڪندڙ سرڪار کي پاڻ به وڏي سهپ جو مظاهرو ڪرڻ گهرجي.