ابڙو اڪيڊمي Abro Academy
2020-11-05
داخلا نمبر 995
عنوان محبتن جا ٻج پوکيندڙ – جي ايم مهڪري
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1088
داخلا جو حوالو:
هن داخلا جون تصويرون نه مليون
محبتن جا ٻج پوکيندڙ – جي ايم مهڪري
ڪي تمام ٿورا اڙدو ڳالهائيندڙ ڏاها آهن. جن سنڌ جي ڏکن کي سنڌ جي اکين سان ڏٺو ۽ لکيو، نه رڳو لکيو پر آخري دم تائين لکيو. اڙدو اخبارن جيڪڏهن جي ايم مهڪريءَ جي جدائيءَ کي محسوس نه ڪيو آهي ته ان سان مهڪريءَ جي وڏائي تي ڪو به اثر نٿو پوي. مهڪريءَ جيڪي لکيو سو انگريزي ۾ لکيو، نه رڳو وڏن لاءِ پر ننڍڙن ٻارڙن جي لاءِ لکيو ۽ سندن ذهنن ۾ عقل ۽ محبتن جا ٻه پوکيا. شايد اها ڳالهه انهن کي پسند نه هئي جيڪي سندس هم زبان هئا. پر سنڌ جا ماڻهو مهڪريءَ کي پنهنجي ئي ڪٽنب ۽ برادريءَ جو سمجهي سندس ڏاهپ جي نڪتن مان پڇاڙي تائين پرائيندا رهيا.
مهڪري صاحب جي زندگي جو ڏيئرو ضرور اجهامي ويو آهي پر هن پنهنجي زندگيءَ ۾ محبتن ۽ سچ جا جيڪي ٻج پوکيا، سي ضرور وڌي وڻ ٿيندا ۽ گمراهه نسل جا ماڻهو هڪ ڏينهن ان وڻ جي ڇانو هيٺ پناهه وٺندا. سنڌي ماڻهو جي ايم مهڪريءَ جي وفات کي سنڌ جو نقصان سمجهن ٿا ۽ اها ئي پيڙا محسوس ڪن ٿا جيڪا ڪنهن سنڌي ڏاهي جي جدائي تي محسوس ڪري سگهجي. سنڌ جي ڏکن کي سنڌي ماڻهن جي اک سان ڏسي لکندڙ ۽ قلم جي هن جهوني سپاهيءَ کي سنڌ جو هر هڪ فرد لڙڪ ڦڙا، عقيدت جا گل ۽ محبت ڀريو سلام پيش ڪري ٿو.