0000-00-00
داخلا نمبر 1502
عنوان محمد خاصخيلي پٿري دائرو
شاخ محال ڪوهستان
پڙهيو ويو 7465
داخلا جو حوالو:
هن داخلا جون تصويرون نه مليون
محمد خاصخيلي پٿري دائرو
هي ڳوٺ ديهه سري ۾ آهي ۽ ڳوٺ جي اتر اوڀر ڪنڊ تي قديم هي پٿري دائرو موجود آهي. جنهن کي ڳوٺ جي ماڻهن مسجد ٿي چيو، ”هي اسانجي مسجد آهي، هتي نماز پڙهندا آهيون!“
”پر هيءَ مسجد ڪڏهن کان آهي؟“
”وقتن کان، اصل کان آهي...“ جواب مان ظاهر هو ته يادگيرين ۽ ٻُڌل واقعن کان اڳ واري زماني جو هي پٿري دائرو ضروري نه آهي ته مسجد هجي. ان ۾ ڪابه محراب ڪونه هئي. بخاري صاحب هن دائري کي تاريخ جي حدن ۾ بيٺل محسوس ڪيو.
هن پٿري دائري جو گهيرو 17.20 ميٽر ۽ ان ۾ کتل ۽ ستل پٿرن جي ترتيب ڪجهه ايئن ئي هئي جيئن اسان نِمگو ۾ ڏٺي هئي. پر، هيءَ دائرو ۽ ان جا پٿر ننڍا ۽ بي ترتيب هئا. دائري جو قطر 5.20 ميٽر هو. اسان تڙ تڪڙ ۾ ڪجهه تصويرون ڇڪي ورتيون ۽ پوءِ سڀ ڪجهه اونداهيءَ ۾ ٻڏي ويو.
ڳوٺاڻن کان موڪلائي اسان ٻيهر سفر شروع ڪيو. هاڻي وڌيڪ ڪم جي نه ته گنجائش هئي ۽ نه وري ٽارگيٽ ۾ ڪجهه هو. ايوب واپسيءَ لاءِ سري کان نوري آباد ۽ ٿاڻي بولا خان جو رستو ورتو. سيف الملوڪ کي ٿاڻي بولا خان تائين پهچائڻو هو. ڪراچيءَ تائين پهچڻ ۾ اڃا ڪجهه ڪلاڪ هئا. مون ذهن ئي ذهن ۾ هن علائقي جي قومن ۽ جبلن جي تاريخ کي اٿلائڻ شروع ڪيو.