ابڙو اڪيڊمي Abro Academy
2020-10-27
داخلا نمبر 788
عنوان مزار سائين علي احمد قريشي
شاخ منڇر گورک گاج دنيا
پڙهيو ويو 1223
داخلا جو حوالو:
هن داخلا جون تصويرون نه مليون
مزار سائين علي احمد قريشي
لال باغ جي ڀرسان ڇنڊڻ جي ڪپ تي هڪ نئون مقبرو اڏجي رهيو هو. هي سائين احمدعلي قريشي صاحب جو مقبرو آهي، جنهن سال کن اڳ (2002ع ڌاري) وفات ڪئي هئي. قريشي صاحب نوجوانن ۾ قلندري سلسلي کي مقبول ڪيو ۽ مون ذاتي طرح هزارها نوجوانن کي درودن جي ورد ۾ گهاريندي ڏٺو. قريشي سان منهنجي ڊگهي ملاقات نه سهي ڪجهه دعا سلام ضرور هئي. سائين مهربان ۽ شفيق انسان هو. مون هن کي عالم ۽ صوفي اڳواڻ جي صورت ۾ رهنمائي ڪندي ڏٺو هو. سندس مقبرو جيڪو تمام مختصر وقت ۾ ٺهيو آهي، سندس نوجوان مريدن جي محبت جو نذرانو آهي. قريشي صاحب جي تربت تي به سيوهڻ جي قلندري طريقت وارين مزارن وانگر ڳاڙهن کنڀن جو تاج رکيو ويو آهي. سندس مريد قريشي صاحب کي وقت جو قلندر سمجهن ٿا.
گاڏي تيزي سان اولهه ڏس ۾ ڪائيءَ طرف ڊوڙندي رهي. جهانگارن کان ٿورو اورتي ڏکڻ کان ايندڙ نئه جهانگرڪِي ٽپي اڳتي هلياسين. نئه جهانگرڪِي هڪ سرشتو آهي جيڪو ٻنڌڻي بند جي ٻئي ڇيڙي وٽان لڪيءَ ۽ بڊي جبل جي وچ مان هڪ ننڍڙي جبل جي وچ مان شروع ٿئي ٿو.