ابڙو اڪيڊمي Abro Academy
2020-10-20
داخلا نمبر 768
عنوان مظهر جميل
شاخ قافلو هلندو رهيو
پڙهيو ويو 1280
داخلا جو حوالو:
هن داخلا جون تصويرون نه مليون
حقيقت ھنن جا احساس ۽ جذبا ڇا آھن؟
ھڪ صحتمند ذھن ئي صحتمند خيال ۽ لاڙا تلاش ڪندو آھي ۽ بيمار ذھن کي ھر چڱائيءَ ۾ ڪا نه ڪا خرابي نظر ايندي آھي. مظھر جميل سنڌي ادب جي ھر صحتمند پھلوءَ کي قلم بند ڪيو آھي، يا کڻي ايئن چئو ته ھن کي سنڌي ادب ۾ ڪو به بيمار يا بيماري نظر ئي نه آئي. ھن ماڻھوءَ ھي ڪتاب جيتري پنھنجائپ سان لکيو آھي، نئين ۽ پراڻي سنڌيءَ وارو اصطلاح ئي بي معنيٰ پيو لڳي! آئون سمجھان ٿو ته ان ريت مظھر جميل پنھنجي سنڌي ھجڻ جو حق ٺيڪ ٺيڪ ادا ڪري ڇڏيو آھي.
ھن کي منھنجي طرفان يا ڪنھن ٻئي جي طرفان ڪنھن سرٽيفڪيٽ جي ڪا به ضرورت نه آھي. ھر ماڻھو پنھنجو سرٽيفڪيٽ پاڻ ھوندو آھي. ھونئن به وطن پرستي ۽ غداريءَ جا سرٽيفڪيٽ جاري ڪرڻ اسانجو نه، سرڪاري ڪارندن جو ڪم ھوندو آھي. اسان ماڻھو ته بس! ھن زمين جي ڪُک مان ڄاول کارا کبڙ، ڪِرڙ ۽ ڪانڊيرا آھيون جن کي ڪڏھن ڪڏھن وڍي ڇڏيو ويندو آھي، پر اھي وري وري ، ھنڌ ھنڌ ڦُٽي پوندا آھن