ابڙو اڪيڊمي Abro Academy
2020-10-27
داخلا نمبر 871
عنوان منڇر جا جوڀن ڏينهن
شاخ منڇر گورک گاج دنيا
پڙهيو ويو 1404
داخلا جو حوالو:
هن داخلا جون تصويرون نه مليون
ان ملايو ويو. درياهه وارو فلڊ پروٽيڪشن بند سنڌو ندي جي اولهندي وارو ڪپ ڏيئي سکر تائين هليو ويو، انهيءَ بچاءَ بند سبب سنڌونديءَ جو پاڻي منڇر ڍنڍ ۾ داخل ٿيڻ کان بلڪل بند ٿي ويو. جيڪو بند کان اڳي آزاداڻي طور داخل ٿيندو هو. اتر واري ’فلڊ پروٽيڪشن بند‘ منڇر جا ٽي حصا ڪاٽي ٻاهر ڪري ڇڏيا ۽ هوڏانهن ڏکڻ پاسي کان ڇنڊڻ واهه نڪرڻ سبب منڇر جي اصلي حيثيت به ختم ٿي ويئي، باقي فقط اولهه وارو پاسو رهيو، جيڪو اصل ۾ منڇر جو چوٿون حصو آهي.
سنڌونديءَ جو پاڻي ۽ الهندو نارو بند ٿي وڃڻ ڪري منڇر وئي سڪندي! فقط جابلو ندين جي پاڻيءَ جو آسرو وڃي رهيو آهي. ان جو دارومدار به برسات تي آهي. تمام زوردار برسات وسندي ته جبلن جو پاڻي نئن جي وسيلي منڇر کي ملندو ۽ ساهه پوندس سو به سڀ قدرت جي وس آهي. هن وقت منڇر باقي وڃي بچي آهي. اصل واري منڇر جو عروج هٿ سان ختم ڪيو ويو آهي. هاڻي الله جي حوالي آهي. برسات جام پوندي، ۽ سڀ نئيون منڇر ۾ پونديون ته ساهه پساهه پئي کڻندي. ورنه خدا حافظ اٿس.
منڇر زبون حالي کان پوءِ قدرتي طور چار يا پنج دفعا پنهنجي عروج تي پهتي، هڪ دفعو 1942ع واري ٻوڏ ۾، ٻيو دفعو 1976ع واري ٻوڏ ۾، ٽيون دفعو جبل ۾ آيل سخت برسات سبب جڏهن نئن گاج سورنهن سترنهن فوٽ لاڳيتو لٿي، ان سان سڀ نيون نئيگ، انگئي، هليلي، ڪڪڙاني، نلي، سوري سڀ گڏ هڪ ئي وقت آيون، سو به اهڙيون زوردار جو فلڊ پروٽيڪشن بند کي ٽڪر ٽڪر ڪري ڇڏيائون ۽ سڄو ملڪ منڇر ٿي ويو هو.