0000-00-00
داخلا نمبر 1426
عنوان موئيدان ۾
شاخ ڪراچي ڪوھستان
پڙهيو ويو 7344
داخلا جو حوالو:
هن داخلا جون تصويرون نه مليون
مـوئـيـدان ۾
12 فيبروري، 2002
موئيدان ۾ وڏن پٿرن جي ڏَس تي آئون ھڪ رات اڳ ئي گڏاپ ۾ انور بلوچ جي ان اوطاق تي پھتس، جيڪا ھڪ وڏي ڪوٽ اندر ۽ گَھـڙيل پٿرن سان اڃا ٺھڻ جي مرحلي ھئي. انور ھيءَ اوطاق ڏاڍي شوق سان جوڙائي رھيو ھو ۽ سلاوٽ پنھنجو ڪم تمام ھوريان ھوريان ڪري رھيا ھئا. مون کي پڪ ھئي ته جڏھن ھيءَ اوطاق جڙي راس ٿيندي، ڏسڻ وٽان ٿي پوندي!
گل حسن ڪلمتيءَ جو ڳوٺ اتي ئي ڪٿي ڀرپاسي ۾ ھو، پرمنھنجو ڏٺل نه ھو، انور بلوچ اوستائين گڏجي ھليو. رات جي پھر ۾ سمورا انتظام مڪمل ٿيا ته آئون ڇاپري جي ھيٺان وڇايل کٽن مان ھڪ تي چڙھي سمھي پيس.
گل حسن صبح ساڻ جيپ ڪڍي ۽ کار جو رخ ڪيائين.
محمد شاھه قبرستان ۾ ڪي گھاڙيون ھيون، چڱيون ھيون. خبر نه آھي ته ڪھڙي قبيلي وارن جون ھيون ۽ ھر ايندڙ ويندڙ کي ڇا پئي چيائون ؟ ڪليم لاشاري گڏ ھجي ھا ته ’حال احوال‛ ڪري ھا!
محمد شاھه قبرستان ۾ ڪي گھاڙيون ھيون، چڱيون ھيون. خبر نه آھي ته ڪھڙي قبيلي وارن جون ھيون ۽ ھر ايندڙ ويندڙ کي ڇا پئي چيائون ؟ ڪليم لاشاري گڏ ھجي ھا ته ’حال احوال‛ ڪري ھا!
گھاڙين وارو ’محمد شاھه قبرستان‛ ٽپياسون ته سامھون ٻه آمھون سامھون ٽڪريون ڏسي چيائين، ”اھي مَري ۽ مـُڱٿر اٿئي ... مقامي ماڻھن ۾ انھن ٽڪرين سان ھڪ قصو مشھور آھي!“
”ڪھڙو؟‟ مون شوق سان پڇيو ھو.
”ھاڻي چڱيءَ طرح ياد نه اٿم!‟ گل حسن کي اھو قصو واقعي ياد نه ھو يا پنھنجي ڪتاب لاءِ بچائي رکيائين، اھا مون کي خبر نه آھي.
مري ۽ مڱٿر ٻه اوچيون ٽڪريون آهن. ٻنهي جي وچ مان نئه کار لنگهي ٿي. مڱٿر نئه کار جي اوڀر ۾ ۽ ديهه کار ۾ آهي، جڏهن ته مري اولهه پاسي ديهه اُٺ پلاڻ ۾. مڱٿر ٽڪر اوچائيءَ ۾ وڏو ۽ مري ڊيگهه ۾ وڏي ٽڪري آهي.