موناگاڙهه بند

موناگاڙهه بند

ساڳي طرح پير موناگاڙهه بند به اهو پاڻي روڪي ٿو، جيڪو ٻي حالت ۾ بنا روڪ ٽوڪ جي نئه سارونا ۾ پوي ها. موناگاڙهه بند، احمد بند کان گهٽ پيچيدو پر گهڻو سهڻو آهي. هي بند پري کان ايئن ٿو لڳي ڄڻ ڪنهن قلعي جي ديوار ڇاتي تاڻي بيٺي هجي. بند جي اڏاوت ۾ ٽن هنڌن تي برجن جهڙيون گولايون (پُشتا) آهن جيڪي شايد پاڻيءَ جي تيز وهڪري جي زور کي منهن ڏيڻ ۽ بند کي بچائڻ لاءِ ٺاهيون ويون آهن. مونا گاڙهه بند جو هڪ حصو 16 فٽ اوچو ۽ مجموعي طور تي 16 فٽ ويڪرو آهي. ٻيو حصو به 8 کان 9 فٽ اوچو آهي. بند جي ان حصي جو ٻاهريون پاسو هڪ فٽ جي ڏاڪي وانگر آهي. پر اها ڏاڪڻ نه آهي. جنهن ۾ استعمال ٿيل پٿرن جا بي ڊولا بلاڪ لڳ ڀڳ احمد بند واري ماپ جا آهن. ڳرن پٿرن جو فائدو اهو آهي جو اهي پنهنجي وزن سبب هيٺين پٿرن کي چرڻ پرڻ کان سُڪ ڪري ڇڏين ٿا. جنهنڪري پاڻيءَ جي جهڙي تهڙي دٻاءَ جي بند کي پرواهه ئي نه ٿي رهي.