ابڙو اڪيڊمي Abro Academy
2020-10-27
داخلا نمبر 822
عنوان ميان دائود ڪلهوڙو
شاخ منڇر گورک گاج دنيا
پڙهيو ويو 1268
داخلا جو حوالو:
هن داخلا جون تصويرون نه مليون
ميان دائود ڪلهوڙو
ميان آدم شاهه جا ٻه پٽ هئا : دائود ۽ ابراهيم. ان زماني ۾ ڪلهوڙن جي هٿن مان ڪافي زمين نڪري چڪي هئي، پر مريدن جو اعتقاد هنن تي وڌي ويو هو ڇاڪاڻ ته هو ’بي گناهه شهيد‘ جو اولاد هئا. ان اعتماد سبب کين اصلي بلڪ وڌيڪ زمين حاصل ٿي وئي. ميان دائود مريدن جو تعداد وڌايو ۽ ڪا به تڪراري صورت پيدا نه ٿي. ميان دائود ڪلهوڙو جهانگير بادشاهه جي زماني ۾ لڳ ڀڳ 1620ع (1030هه)ڌاري فوت ٿيو. هن جو مرڪز به ’هٽڙي‘ هو. سندس قبر ڏوڪري ويجهو ميان الياس جي مقبري وٽ ڏکڻ اوڀر ڪنڊ تي هڪ ٿلهي تي آهي. اتي پنج قبرون آهن، جن مان اوڀر کان چوٿين قبر ميان دائود جي آهي.(تفصيل ڪلهوڙا دور حڪومت : غلام محمد لاکو).