ابڙو اڪيڊمي Abro Academy
2020-10-27
داخلا نمبر 866
عنوان ميان مرادياب جو مقبرو
شاخ منڇر گورک گاج دنيا
پڙهيو ويو 1311
داخلا جو حوالو:
هن داخلا جون تصويرون نه مليون
ميان مرادياب جو مقبرو
ميان يار محمد جي مقبري کان ٻاهر اتر اولهه ڪنڊ تي هڪ چؤديواريءَ اندر ٻن نيلن وارو هڪ تجر نما سادو مقبرو آهي، جنهن کي ميان محمد مراد جي رانڪ چون ٿا. ميان مرادياب 1753ع کان 1757ع تائين سنڌ جو حڪمران رهيو، هي ميان نورمحمد ڪلهوڙي جو پٽ ۽ ميان غلام شاهه جو ڀاءُ هو. جيتوڻيڪ هُو چئن سالن تائين سنڌ جو حاڪم رهيو ۽ کانئس پوءِ سندس ڀاءُ تخت تي ويٺو، سندس مقبرو هن جي رتبي جي شايان شان نه ٺهيو آهي. ان مان ميان نور محمد جي پٽن جي پاڻ ۾ تڪرارن ۽ رنجشن وارن ناتن جي بُوءِ اچي ٿي. ميان غلام شاهه، جنهن گهڻيون، اهم ۽ خوبصورت عمارتون تعمير ڪرايون، ميان مرادياب جي مقبري جي سلسلي ۾ تنگ دل ثابت ٿيو.