ابڙو اڪيڊمي Abro Academy
2020-11-04
داخلا نمبر 958
عنوان مَشاڪ ( مشاخ) Mashaak / شاھه حسڻ:
شاخ منڇر گورک گاج دنيا
پڙهيو ويو 1213
داخلا جو حوالو:
هن داخلا جون تصويرون نه مليون
مَشاڪ ( مشاخ) Mashaak / شاھه حسڻ:
پير مَشاڪ شاھه حسڻ کان اٽڪل ھڪ ميل ڏکڻ اوڀر ۾ آھي. ھن ماڳ کي به لال ڇُٽي وانگر سڀني پاسن کان پاڻي وڪوڙي بيٺو ھو ۽ ساڳي اوچائيءَ تي ھو. ٻيڙي اوستائين وڃي نه پئي سگھي جو پاڻي تانگھو ھو. ھنن کي ماڳ کان ڪجھه اورتي لھي گپ ۾ پنڌ ڪرڻو پيو. دڙي تي گاھه ۽ ڪَنڊِر ٻوٽا جام ھئا. ھتي پڻ لال ڇُٽي وانگر پٿرن جو ھڪ ڍير پِير صاحب جي قبر جي نشاندھي ڪري رھيو ھو. ڳاڙھو ٺڪراٽو ۽ وارياسن پٿرن سان گول پٿريون موجود ھيون. ٺڪراٽي ۾ سوراخدار ٺڪريون، ٺڪر جون چُوڙيون چقمقي پٿرن جا چٿڙ وغيره موجود ھئا. ھتان ڳاڙھسرا اڇا نيم قيمتي مڻيا به مليا جن سان پڪ ٿي ته ھي ڌاتُو-پاھڻي دور جو ماڳ آھي. هي سنڌو تهذيب جو هڪ ماڳ آهي پر هتان خاص ’ڳاڙهي تي ڪارو‘ ٺڪر نه مليو آهي.
مَشاڪ وٽ ھلڪين کوٽاين دوارن مجمدار جي ٽيم شاھه حسڻ جي ڊاڪ بنگلي ۾ ترسي هئي ۽ ماڳ تائين اچ وڃ ھڪ ٻيڙيءَ وسيلي ڪندا ھئا. ماڳ جو ڪنڌيءَ کان فاصلو تقريباً 300 کن وال ھوندو پر جيئن ته پاڻي تانگھو ھو ۽ ٻيڙي سڌي وڃي نه سگھندي ھئي، انڪري اھا ڪجھه پرڀرو کان وڪڙ کائي ماڳ کي ويجھو ايندي ھئي. ھن کوٽائيءَ مان خبر پئي ته لال ڇٽو ۽ مَشاڪ ماڳ بنھه ھمعصر ھئا. ھي سنڌو تھذيب جا ھئا، ماڳ جو اتان سوراخدار ٺڪريون مليون ھيون. ٻيون شاھديون شاھه حسڻ ماڳ تان مليون جن ۾ خاص طور نوڪدار تري وارا ٿانوَ، اسٽينڊ تي ٿالھي (dish-on-stand)، ڍڳي جي مورتي ۽ بيل گاڏيءَ جو نمونو به مليو.