مَک چٽي، ريگ ماهي

مک چٽي، ريگ ماھي Sandfish or Sand-swimmer / Ophiomorus tridactylus /

وارياسي زمين ۾ نانگ وانگر ريڙهيون پائيندڙ هيءَ وارياسي چچي تقريباّ ست انچ ڊگهي ٿئي ٿي. ان جي کل چمڪدار روشن هوندي آهي ان جو ن اڳيون ٻانهون نه هئڻ برابر هونديون آهن ۽ پويون ٽنگون به تمام ڪمزور هونديون اٿس. اها وارياسن دڙن تي واريءَ جي سطح هيٺان رهندي آهي ۽ سطح کان ٿورو ئي هيٺ نانگ وانگر وڪڙ کائيندي اڳتي رڙهندي آهي جنهن ڪري واري سُرندي اُڀرندي نظر ايندي آهي. اها رات باش يعني رات جو سرگرم رهي ٿي ۽ ننڍڙا جيت، اڏوهيون ۽ ٽنڊڻ کائي ٿي. هيءَ ڪِرڙي ماحول : 3 ۾ رهي ٿي. ريگ ماھي Ophiomorus قسم جي ڪِرڙيءَ جا لڳ ڀڳ چار قسم پاڪستان ۾ موجود آھن.