ابڙو اڪيڊمي Abro Academy
2020-11-05
داخلا نمبر 1116
عنوان نئين جهاد جون تياريون
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1265
داخلا جو حوالو:
هن داخلا جون تصويرون نه مليون
حمان آئين شريعت ڪانفرنس کي خطاب ڪرڻ مهل ”مهاجرن“ کي اسلامي نظام ڏانهن موٽڻ جي دعوت ڏيندي چيو، ”ان صورت ۾ اسان ساڻن ڪلهو ڪلهي ۾ ملائي هلنداسين!“
مولوي صاحبن ۽ مذهبي تنظيمن جون اهي سڀ ڪوششون جيڪڏهن جمهوري جذبي هيٺ آهن ته پوءِ هڪ ڳالهه آهي پر جيڪڏهن اهي تياريون پاڪستان کي ”افغانستان“ واري صورتحال ڏانهن ڇڪي رهيون آهن ته پوءِ هيءَ انهن سڀني مسلمانن لاءِ سوچڻ جي گهڙي آهي جن کي مذهبي تنظيمون مسلمان نٿيون سمجهن! مولوي صاحبن جا بيان پاڪستان ۾ هڪ نئين ۽ طاقتور ڌر بنديءَ جو واضح اشارو آهن ۽ اهو به واضح آهي ته جهاد جو نئون ميدان خود پاڪستان آهي. ڌرتيءَ جا ماڻهو خدا جي خلق کي خدا جي مقدس نالن ۾ صليبي جنگ ۾ تڙپندو ڏسندا پيا اچن ۽ پوءِ چاهي اهو اصلاح الدين ايوب جو وقت هجي يا هاڻوڪي بوسنيا. ماڻهو اقتدار جي حصول لاءِ ڪربلا کان افغانستان تائين ظالمن جون مڙهيل جنگون به ڏسي چڪا آهن. جنگ ته جنگ ئي هوندي آهي، جنهن ۾ ماڻهو خدا جي نالي ۾ خدا جي خلق کي ماريندا آهن ۽ حڪومت پاڻ ڪندا آهن.