ابڙو اڪيڊمي Abro Academy
2020-11-06
داخلا نمبر 1275
عنوان نازڪ سوالن تي به غير سنجيده سياست
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1133
داخلا جو حوالو:
هن داخلا جون تصويرون نه مليون
اسي مفادن کي اوليت ڏني وئي، شروع ۾ راءِ عامه لاءِ اهڙو ماحول جوڙيو ويو جو عام تاثر پکڙيو ته ملڪ جو هڪ تمام محترم ادارو يعني عدليه هڪ عوامي حڪومت جي خلاف جهاد تي لٿل آهي. جڏهن عدليه هڪ خاص فيصلو ڏنو ته هڪدم تجويز جاري ڪئي وئي ته هاڻي پارليامينٽ ٽوڙي وڃي. پهرين هڪ محترم اداري لاءِ حڪومت جي خلاف هجڻ وارو تاثر پکيڙڻ جي ڪوشش ڪئي وئي ۽ پوءِ هڪ ٻئي محترم اداري يعني پارليامينٽ کي ٽوڙڻ جي سفارش ڪئي وئي. ملڪ جي انتهائي ڳنڀير سوالن تي حزب اختلاف جو اجهو اهو رويو آهي. سيد ظفر علي شاهه ته ايئن به چيو ته هاني جيڪڏهن صدر صاحب آئين جي اٺين ترميم ۽ خاص آرٽيڪل هيٺ اسيمبليون ٽوڙي نين چونڊن جو اعلان نه ڪيو ته هن جو احتساب ڪبو! ظفر علي شاهه چوي ٿو ته صدر پاڪستان آرٽيڪل 42هين آئين جي تحفظ جو قسم کنيو آهي، جيڪڏهن هو ان ۾ ناڪام ويو ته آرٽيڪل 47 هيٺ احتساب ٿيندو. ڳالهيون ته ٻيون به گهڻيون آهن جن سان ملڪ سياسي هيجان کڙو ڪيو ويو آهي پر ڪو ڇا ڪري جو پارليامينٽرين پاڻ پارليامينٽ ٽوڙڻ جون ڳالهيون ڪن ۽ ايتري ڳالهه ڪرڻ لاءِ ملڪ جي عدد کي سياست ۾ گهلي ان جي وقار ۽ ساک کي داءَ تي هڻڻ ۾ دير نه ڪن!
عدليه پاران آئين جي تشريح درست آهي يا نه آهي؟ ان تي قانون ۽ آئين جا ماهر ئي ڪا راءِ ڏئي سگهن ٿا پر ايترو ضرور چئي سگهجي ٿو ته آئين جي جيڪا تشريح اڄ اڄوڪي حڪومت لاءِ سوال جو نشان بڻي آهي. سڀ اها ئي تشريح سڀاڻڪي حڪومت لاءِ به سوال جو نشان هوندي.