نور

نور Indian Gray Mongoose / Herpestes edwardsi /

نور

7 کان 11 انچ ڊگهي بت ۽ 7 کان 6 انچ ڊگهي پُڇ وارو هي ڪُتري کائيندڙ مماليه رنگ جو ڳاڙهسرو سرمائي آهي. پڇ ٿلهو اٿس. ننڍڙيون اکيون ۽ ننڍڙا ڪَنَ عام طور تي ان جي پشم ۾ لڪل هوندا آهن. ڏينهن جو شڪار ڪندو آهي. ڪوئا، پکي، زهريلن نانگن سميت ٻيا ڪِرڙ انگ (Reptiles)، جيت، آنا ۽ پکي کائي ويندو آھي، بيضا ۽ ٽنڊڻ پٿرن تي اڇلائي ٽوڙي کائيندو آهي. ٻن کان ويهه نور غول ٺاهي اُڏوهين جي دڙن تي حملو ڪندا آهن، ان موقعي تي نَـر بيهي چوڪي ڏيندو آهي ته متان ڪو ٻيو جانور مٿن حملو نه ڪري وجهي. نور انهن ئي دڙن کي رهائش لاءِ به استعمال ڪندو آهي، اڪثر چراگاهن ۽ ٻيلن ۾ رهندو آهي.

مادي نور 53 ڏينهن ٻچا پيٽ ۾ رکي ٿي ۽ هڪ وقت ۾ لڳ ڀڳ ڇهه ٻچا ڄڻي ٿي. ھي ماحول: 3 جو مماليه آھي.