نيرڳ، نيرڳي بدڪ

23 سينٽي ميٽر جسامت واري هن بدڪ جا نر ماد به مختلف رنگن جا ٿين ٿا. نَر جي چمڪدار سائي سسي، ڳچيءَ ۾ اڇو ڇلو؛ ڳچي ۽ ڇاتي واڱڻائي ناسي ۽ وچون ڌڙ پڇ جي پاڙ تائين ڪارو ٿئي ٿو. نيرڳ جي چهنب پيلي، پڇ ٻه رنگو ۽ پرن جي هيٺان اندريان کنڀ نيرا ۽ اڇا ٿين ٿا. مادي چٽڪٻري ناسي ٿئي ٿي.

نيرڳ ڪنهن حد تائين لاڏوڻي پکي آهي. مٺي پاڻيءَ جي گاهه ڀريل ڍنڍن تي لهندو آهي ۽ اتي گاهه پيو چڳندو آهي. جڏهن چهنب ۾ پاڻي ڀرجي ويندو اٿس ته چهنب ۾ موجود خاص بندوبست مان وهائي ڇڏيندو آهي. باقي گاهه ۽ جيت ڳهي ويندو آهي. نيرڳ زمين تي به گاهه خوري ڪندو آهي. زمين يا وڻ تي گول آکيرو ٺاهي ٿو. آمريڪا ۽ يوريشيا ۾ به ٿيندو آهي. ماحول : 7 جو پکي آھي.