ابڙو اڪيڊمي Abro Academy
2020-11-06
داخلا نمبر 1253
عنوان هاليجيءَ تي وائلڊ لائف ڇاپو
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1240
داخلا جو حوالو:
هن داخلا جون تصويرون نه مليون
نهن بااثر مانهن جا نالا نه ڇاپيا! نه ئي ڪنهن مقامي صحافيءَ بريفنگ دوران مليل بااثر ماڻهن جا نالا پنهنجين هيڊ آفيسن تائين پهچايا ۽ نه وري شايد ڪو نالا ملڻ کان پوءِ ڇاپي سگهي ها!
”هاليجي تي وائلڊ لائف ڇاپو“ سڌو سنئون بااثر ماڻهن جي خلاف قومي دولت کي کاٽ هڻڻ جو ڪيس آهي. هاليجي محض هڪ ڍنڍ نه آهي. هاليجي ملڪ جي ”فطري سونهن“ واري دولت جو ذخيرو ۽ رک آهي، جنهن کي ”قومي ورثي“ جي حيثيت به حاصل آهي. جهنگلي جيوت کاتو ”قومي ورثو“ بچائڻ جو ڪيس پڪ ئي پڪ هارائي ويندو. اڄ تائين ڪهڙي بااثر ڏوهاريءَ سزا ڀوڳي آهي؟ اڳي به نه هرڻن، تترن ۽ واڳن جو هڪ وڏو شڪاري جنهن کي ”جهنگلي جيوت“ جو رکوال به بڻايو ويو هو، صاف نڪري ويو هو. هن ڀيري به فقط ڇهه عدد ٻچڙيوال سزا کائي ويندا ۽ ”گمنام“ بااثر ماڻهو وري ٻين ٻچڙيوال مهاڻن کي هاليجيءَ مان مڇي مارڻ جي ڪم تي لڳائي ڇڏيندا.