هاڻي چئه، عالمي دهشتگرد ڪير آهي

� تي مجبور ڪير ٿو ڪري؟ خود، آمريڪي دهشتگرديءَ واري ڪاري لسٽ جا تازا مثال سوڊان، افغانستان ۽ پاڪستان آهن. ڇا آمريڪا کي اڃا بہ اها توقع آهي تہ ان کي موٽ ۾ محبت ڀريون چميون، گلدستا ۽ ”معافي ناما“ ملندا.

مسلم ملڪن ۾ آمريڪا جي خلاف نفرت ۽ شدت کي ٻيو ڪو بہ نہ، خود آمريڪي پاليسيون ۽ اڳرايون جنم ڏئي رهيون آهن. آمريڪا نہ رڳو پاڻ سڌيءَ طرح دهشتگردي پيو ڪري ۽ ننڍن ملڪن خلاف ايئن اڳرايون پيو ڪري جيئن ”تخت لاهور“ ننڍن صوبن کي جڪڙي رهيو آهي. پر آمريڪا ٻيو ڏوھہ اهو بہ ڪري رهيو آهي تہ هو اسرائيل، سربيا ۽ ان جهڙن ٻين ننڍن وڏن دهشتگرد ملڪن جي سرپرستي ڪري رهيو آهي ۽ سڄي دنيا تي ”جهان خان“ مڙهجي ويو آهي.

آخري سوال عوام ۽ وڏن سياستدانن جي سوچڻ لاءِ آهي تہ آخر سوڊان، پاڪستان ۽ افغانستان تي بم وسائي آمريڪا ڇا چوڻ چاهيو آهي؟ ڇا اها محض هڪ وارننگ آهي يا واقعي وار آهي. ڪٿي ايئن تہ ناهي تہ اوڀر جي ملڪن کي ”اڪانامڪ امپريلزم“ جون زنجيرون پارائڻ اقتصادي ۽ جنگي دهشتگردي ڪئي پئي وڃي. اسامه بن لادن تہ کڻي هڪ معمولي ڪردار ۽ بہانو ٿيو آهي، اصل مطلب آهي تہ مسلمانن تي دهشتگرديءَ جو الزام هڻي سڄي دنيا تي آمريڪا جي مرضيءَ وارو ”معاشي ون يونٽ“ نافذ ڪيو وڃي.