هرڻ، چنڪارو

هرڻي، چنڪارو، غزال Chinkara Gazelle- Gazella gazelle-
هرڻ، چنڪارو
چنڪاري جي پٺي چمڪدار اوٺي رنگ جي ۽ پيٽ اڇو ٿئي ٿو. ننڍڙو ڪارو واردار ۽ ڦندڻ جهڙو پڇ ٿيندو اٿس. اڀا ڊگها ڪارا ۽ چُوڙ دار نوڪيلا سڱ هوندا اٿس جن جو مٿيون حصو لسو هوندو آهي جيڪا چنڪاري نر جي خاص نشاني آهي، ماديءَ کي سڱ ڪونه ٿين. اڪثر جوڙيءَ ۾ يا ننڍڙي ڪٽنب سان نظر ايندو آهي. پاڻيءَ کانسواءِ ڪافي ڏينهن بلڪه مهينن تائين رهي سگهي ٿو، ان ڪري کير ٿر جا ڪي مقامي ماڻهو انهن کي ”فرشتا“ سمجهندا آهن. انهن ۾ ڏسڻ، سنگهڻ ۽ ٻڌڻ جون حِسون تمام تکيون ٿين ٿيون. ٿورو ئي خطرو محسوس ڪندي نڪ مان خاص قسم جي ڦوڪار ڪندو آهي ۽ پوءِ چئني پيرن تي ڪجهه ٽپا ڏيندو پري هليو ويندو آهي. چنڪارو ماحول: 3 ۾ رھندو آھي.