هيڙهو، ليلهو، ليلهي، سَت ڀائي

هن ننڍي پکي جو بت 23 سينٽي ميٽر آهي. جهرڪيءَ کان ڪجهه وڏو ٿئي ٿو. هلڪو پٿريلو زيتوني رنگ اٿس. پُٺيءَ تي هلڪا هلڪا لينگها، پڇ ڊگهو ۽ اکيون هيڊيون اٿس. گروهه پسند پکي آهي.

هيڙهي جو هڪ قسم Large Gray Babbler / Turdoides malcolmi / (جسم ۾ 27 سينٽي ميٽر آهي جنهن کي سنڌ جي ميداني خطي ۾ ليلهو چوندا آهن. ساڳي طرح جهنگلي هيڙو Jungle Babbler/ Turdoides striatus/ (جسم 25 سينٽي ميٽر) آهي جنهن کي ”ست ڀائي“ چوندا آهن. پنهنجي گروهه پسنديءَ سبب اها جنس گوشت جانور کي وڏي شور سان ۽ پَـر ڦڙڪائي ۽ ڊيڄاري ڀڄائي ڪڍندي آهي. هي ماحول : 6 جو پکي آهي.