ابڙو اڪيڊمي Abro Academy
2020-11-06
داخلا نمبر 1209
عنوان هٿيارن جي ڊوڙ- ماريو ماريو نه، خدا خدا ڪيو!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1097
داخلا جو حوالو:
هن داخلا جون تصويرون نه مليون
تدان وٽ به سڀ کان ڏکندڙ سوال ڪشمير ۽ پاڪستان جو آهي. تضاد حل نه ٿيندا ته ويتر وڌندا آهن، نتيجو اسان جي آڏو آهي. مسئلن جي حل لاءِ پاڪستان هٿيارن جي بازار مان فوجي هوائي جهاز وٺي آيو ته ڀارت ارجن ٽينڪون ۽ 500 پرٿوي ميزائيل کڻي سرحد تي اچي بيٺو آهي. هن کانپوءِ پاڪستان ڇا کڻي ايندو؟ ظاهر آهي ته هٿيارن جي ڊوڙ ٻنهي ملڪن کي ماري وجهندي پر پاڪستان ته هيڪاري ڏکي صورتحال ۾ ڦاسجي ويندو.
اسان سمجهون ٿا ته هندستان ۽ پاڪستان ٻنهي ملڪن جي عوام جو ڀلو ۽ چڱائي ان ۾ آهي ته ٻئي ملڪ جنگ جو سوداءُ مٿي مان ڪڍن، علائقي کي ”زيرو ميزائل زون“ ڪرڻ جو اعلان ڪن ۽ جيڪڏهن جا جنگ وڙهڻي اٿن ته عالمي فورمن ۽ سفارتي ميدانن تي وڙهن، عوام جي مٿان ٽنگيل ايٽمي ۽ پرٿوي ميزائيل هٽائين ۽ گڏيل قومن سميت هر پليٽ فارم تي ”امن فارمولا“ پيش ڪن! هندستان ۽ پاڪستان جا جيڪي سياستدان ”ايٽم بم ٺاهيو، ايٽم بم ٺاهيو!“ جا مطالبا ڪن ٿا تن کي گهرجي ته ”خدا! خدا!“ ڪن ۽ خدا جي خلق جو سر نه وڃائين! اهي ايٽم بم ڪراچي، لاهور، ملتان، سکر، حيدرآباد يا اسلام آباد تي ڪريا ته اهي نه پنجابي ڏسندا، نه ”مهاجر“، نه سنڌي، نه پٺاڻ، بلو، نه ڪشميري، نه هندو، نه مسلمان ۽ نه عيسائي يا پارسي.