ابڙو اڪيڊمي Abro Academy
2020-11-06
داخلا نمبر 1193
عنوان هڪ مڪمل انفارميشن ۽ ريسرچ سينٽر جي ضرورت
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1130
داخلا جو حوالو:
هن داخلا جون تصويرون نه مليون
اءِ ٿيڻو آهي ته پوءِ ڇو نه مختلف ڊويزنن ۽ صلعن جي سطح تي اهڙا تحقيقي ۽ منظم ادارا ٺهن، جتان عوام به معلومات وٺي سگهي. واضح هجي ته اهو عوام جو حق اهي ته اهي پنهنجي ملڪ جي سواءِ انهن چند دستاويزن جي جيڪي ملڪي سلامتيءَ لاءِ اهم آهن، باقي هر دستاويز تائين رسائي رکن. جڏهن اهو جديد ڪمپيوٽرائيزڊ نظام هوندو ۽ ان ۾ عوام جي آگاهيءَ لاءِ ضروري هر ڪا ڄاڻ موجود هوندي ته پوءِ ڪرپشن جي گنجائش به گهٽ ٿي ويندي.
هن وقت ته مثال طور: ٻيلي کاتي کان فقط اهو جواب وٺڻ لاءِ ته جناب سنڌ ۾ ڪيترو ٻٻر، ڪيتري نم، ڪيترو باهڻ ۽ ٽالهي جا ڪيترا وڻ موجود آهن، هڪ عمر کپي اول ته صاحب ٻڌائيندا ئي ڪو نه ڇاڪاڻ ته ان سان کين وڻن جو غير قانوني قتلام بند ڪرڻو پوندو ۽ ٻيو ته هر سال فيلڊ ۾ وڃي وڻ به ڳڻڻا پوندا. هر سال رڪارڊ اپ ٽوڊيٽ ڪرڻ لاءِ ادارا سرگرم ٿين، ان لاءِ به ضروري اهي ته انفارميسن ۽ ڪميونيڪيشن نيت ورڪ ۾ کين آندو وڃي. هي ته ٻيلي کاتي جو مثال آهي، صحت کاتو، تعليم کاتو، پوليس کاتو، تحقيقي ۽ علمي ادارا، زراعت کاتو ۽ هر هڪ کاتو ڪٿي پهتل آهي؟ انساني حقن جو رڪارد ڇاٿو چوي، معدنيات بابت تازي رپورٽ ڇا ٿي چوي؟ قديم آثارن ۽ ثقافتي ماڳن جا تفصيل ڪهڙا آهن؟ ڪهڙو شهر ۽ ڳوٺ ڪٿي آهي ۽ ان جي اهميت ڪهڙي آهي؟ انهن سڀني سوالن جا جواب ڪمپيوٽر نيٽ ورڪ تي ملي وڃن ته به معاشرو لاعلميءَ جي کوهه مان نڪري ڪنهن چڱي پاسي پنڌ ڪرڻ شروع ڪري ڏئي!