ابڙو اڪيڊمي Abro Academy
2020-11-06
داخلا نمبر 1227
عنوان وحشت ختم ته ڪو نه ٿي آهي!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1174
داخلا جو حوالو:
هن داخلا جون تصويرون نه مليون
لاءِ وڙهندڙ ڪير آهي؟ آمريڪا جهڙو ملڪ جيڪو غير قانوني پرڏيهين جي آزار کان ڪڪ اچي پنهنجا جيل ڀري چڪو آهي، جڏهن پاڪستان ۾ ايم ڪيو ايم سان ڳالهين لاءِ دٻاءُ وجهي ٿو ته اهو ڇو ٿو وساري ته پاڪستان ۾ غير قانوني پرڏيهين جي سڀ کان وڌيڪ سرپرستي خود ايم ڪيو ايم ئي ڪري رهي آهي.
دهشتگردن سان ڳالهيون ڪرڻ جائز هجن ها ته برطانيا ايم ڪيو ايم سان ٺاهه ڪري ها. دهشتگردن سان ڳالهيون جائز نه آهن پر اها هڪ مجبوري آهي، جيئن سريلنڪا سرڪار ايل ٽي ٽي اي سان مجبور ٿي ڳالهيون ڪيون ( جنهن جو نتيجو ڪجهه به نه نڪتو). پاڪستان ۾ ايم ڪيو ايم سان ڳالهيون ٿينديون رهيون جنهن جو اڄ تائين ڪو به نتيجو نه نڪتو آهي. ان هوندي به جيڪڏهن ڳالهين ذريعي امن جي ڪا گنجائش اهي ته اها ضرور ٿيڻ گهرجي.
ڪراچي پئڪيج چڱي ڳالهه آهي، پر ان کان به چڱي ڳالهه اها ٿي آهي ته حڪومت اصولي طور تي فيصلو ڪيو آهي ته جلد کان جلد مڪاني ادارن جون چونڊيون ڪرايون وڃن. مڪاني ادارن جي چونڊن جو سوال آدمشماري نه ٿيڻ ڪري رولڙي جو شڪار اهي. مڪاني ادارن جون چونڊون بنيادي ضرورت ان ڪري آهي ته شهري مسئلا حل ٿيندا رهن ۽ مقامي سطح تي ماڻهن جا ننڍا ننڍا مسئلا نبرندا رهن. گذريل مڪاني چونڊن ۾ ايم ڪيو ايم ڪراچيءَ جي شهري ادارن ۾ ڇا ڪيو؟ هن شهرين کي ڪي به پٽڪا ڪو نه پارايا هئا، البت عوامي فنڊن جو ناجائز استعمال ٿيو ۽ اهي فنڊ هٿيارن تي خرچ ٿيا. حڪومت کي ته رڳو اهو يقيني بنائڻو پوندو ته عوامي فنڊ ”لٽ جو مال“ نه ٿي وڃي بلڪه غير ملڪي ماڻهو جيڪي ووٽر لسٽن ۾ چڙهي چڪا آهن، خارج ٿيڻ ته جيئن اهي مقامي سياست ۽ شهري ادارن ۾ پنهنجا مفاد شريڪ ڪرائي نه سگهن. مڪاني چونڊون ٿيڻ گهرجن، ضرور ٿيڻ گهرجن، ان عمل سان شهري آبادي ٻوسٽ مان نڪرندي، سياسي ماحول پيدا ٿيندو پر ضرورت ان ڳالهه جي آهي ته سڀ ڪجهه ايئن ٿئي ته حقدار جو حق نه مارجي ۽ شهري ادارا ٻيهر دهشتگردن لاءِ فنڊ حاصل ڪرڻ جا ذريعا نه بڻجن.