ابڙو اڪيڊمي Abro Academy
2020-11-06
داخلا نمبر 1189
عنوان وفاق ۽ صوبن وچ ۾ تڪرار جو سوال
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1213
داخلا جو حوالو:
هن داخلا جون تصويرون نه مليون
ري جي گنجائش آئين ۾ موجود آهي ۽ اڳ به ٻن چونڊيل حڪومتن جي بدناميءَ جو ساڳيو داغ لڳي چڪو آهي، تڏهن ان اداري کي ڇو نظر انداز ڪيو ويو آهي؟
گڏيل مفادن واري ڪائونسل يقينن هڪ اهم آئيني فورم آهي، جنهن جي نه هئڻ ڪري پاڻي، هٿيارن، نشي، دهشتگردي ۽ وفاقي ۽ صوبائي ملازمن جي نوڪرين جا معاملا منجهي پيا آهن ۽ ان فورم کان ٻاهر ايڊهاڪ بنيادن تي انهن کي ”هيڏانهن هوڏانهن“ ڪيو وڃي ٿو. مسئلن جو ڊگهي عرصي تائين حل نه ٿيڻ صوبن جي وچ ۾ غلط فهمين ۽ بد اعتماديءَ جي فضا کي وڌائڻ جي برابر آهي. اهي غلط فهميون جڙ پڪڙي ڪنهن اهڙي ناسور کي جنم ڏيئي سگهن ٿيون جيڪو ڪڏهن به نه ڇٽي. حقيقت اها آهي ته ناسور جڙ پڪڙي چڪا آهن ۽ جراح جراحيءَ کان ڊڄي ان ۾ هٿ نٿا وجهن. صوبائي اختيارن ۽ خودمختيارين جو سوال هاڻي پراڻي ڦٽ جي صورت اختيار ڪري ويو آهي. ان ڦٽ کي منهن ڏيڻ جو طريقو اهو ناهي ته ان کي ان جي حال تي ڇڏي ڏجي. حڪومت کي ڀلي ته ايئن لڳندو هجي ته گڏيل مفادن جي ڪائونسل جي ڳالهه ڪري ڪنهن اڻوڻندڙ مسئلي کي ڇيڙيو ٿو وڃي پر ان کي ڇا ڪجي جو هاڻي صوبن جا معاشي ۽ سماجي مسئلا ۽ تڪرار ان حد تائين وڌي ويا آهن جو اهي صوبن وٽ وڌ ۾ وڌ اختيارن کانسواءِ حل ٿيندا نظر نٿا اچن ۽ پنجاب ۽ وفاق جو رويو وبن لاءِ تسليءَ کان وڌيڪ حيرت جهڙو ٿيندو پيو وڃي.