يوريشيائي ننڍو گگهه (چٻرو)

25 سينٽي ميٽر ماپ جي هن پکيءَ جا نر ماد هڪجهڙا ٿين ٿا پر ان جي رنگ جا ٻه مرحلا هوندا آهن هڪ هلڪو سرمائي ناسي (ڀورو- ڪٻرو) ۽ ٻيو گهري رنگ جو مرحلو. ٻنهي مرحلن ۾ اهو سامهون موجود هوندي به نظر نه ايندو آهي ڇاڪاڻ ته ان جو رنگ ڪاٺ جي ڇوڏي سان هم روپ آهي. ويٺل حالت ۾ اڪثر اُڀو محسوس ٿيندو آهي، ڪَن اُڀا هوندا اٿس. جسم ۾ ڪٻر کان ڪجهه وڏو ٿئي ٿو. هن گگهه جي پيٽ جو رنگ ڪجهه هلڪو هوندو آهي جنهن تي لينگها ۽ ننڍا چِٽ هوندا آهن. هي رات باش آهي ۽ ڏينهن جو نظر نه ايندو آهي. هي چٻرو لاڳيتن وقفن سان هڪ-آوازي هُوڪ ڪندو آهي، ۽ ماحول : 4 ۾ رهندو آهي.