ابڙو اڪيڊمي Abro Academy
2020-11-06
داخلا نمبر 1155
عنوان ٺهڻ ۽ نه ٺهڻ جون ڳالهيون
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1126
داخلا جو حوالو:
هن داخلا جون تصويرون نه مليون
ٿي ويا آهن. ممتاز ڀٽو هڪ بااصول سياستدان آهي ۽ سندن وچ ۾ اختلافن جا ڪارڻ به لڪل نه آهن. ممتاز ڀٽي پاران تازو ئي وفاقي نظام جي ناڪاميءَ تي هڪ اهم ڪانفرنس ٿي آهي، جنهن ۾ لاهورکانسواءِ سڄي ملڪ جي سياستدانن شرڪت ڪئي ۽ ان راءِ جي توثيق ڪئي ته مرڪزيت واري وفاقي نظام ملڪ کي نقصان پهچايو آهي. بينظير ڀٽو ۽ ممتاز ڀٽو وفاق پرستي ۽ وفاقيت جي سوال تي هڪٻئي کان مختلف سوچن جا نالا آهن پر هنن به قومي معاملن ۽ سسٽم تي ڳالهايو آهي. سندن وچ ۾ هلندڙ اڍائي ڪلاڪن جي ملاقات تي نه رڳو پيپلز پارٽي پر ٻين قومي حلقن ۾ پڻ اطمينان ۽ خوشي جا تاثر سامهون آيا آهن. سياسي مونجهارا ۽ سياسي اختلاف ڳالهين سان ئي حل ٿيندا آهن. سياسي مسئلن کي ”غيرت ۽ بي غيرتيءَ“ جهڙن لفظن ۾ وچڙائي وڌيڪ ڳنڀير ڪرڻ سان سياسي ڪلچر ٺهڻ بدران اڃا ڊهندو ۽ ڀرندو ويندو.
سڀ ڌريون پنهنجي پنهنجي طاقت جو پورو پورو مظاهرو ڪري چڪيون آهن ۽ ثابت ٿي چڪو آهي ته ڪو به معاملو طاقت جي استعمال سان نبرڻو ئي ناهي. ان ڪري سڀني جي حق ۾ بهتر آهي ته مکيه جمهوري ڌارا ۾ شامل ٿي جمهوري ڌارا کي تکو ڪن. ٽڪراءَ جو ڪلچر ڪجهه به ڏيئي نٿو سگهي. ان ٽڪراءَ واري ڪلچر سواءِ جنازن، قومي اڪيلاين، محرومين، بدامني ۽ معاشي تباهيءَ جي، ٻيو ڇا ڏنو آهي؟ وقت اچي ويو آهي ته قومي اڳواڻ ۽ عوامي تنظيمون هڪ نئين جمهوري ڪلچر ڏانهن عوام جي سرواڻي ڪن. ڀلي ته هر ڪنهن جي پنهنجي سوچ ڌارا هجي پر ان کي مکيه سياسي ڌارا ۾ شامل ڪن ۽ ٺهڻ جي ڳالهه ڪن!