ابڙو اڪيڊمي Abro Academy
2020-11-06
داخلا نمبر 1170
عنوان ٺڪر تي پاڙ لڳڻ کانپوءِ!
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1191
داخلا جو حوالو:
هن داخلا جون تصويرون نه مليون
چڻ گهرجي، ڪا به پارٽي جڏهن حڪومت ٺاهي ٿي ته اها فقط پارٽي ميمبرن تي نه، سڄي عوام تي راڄ ڪري ٿي، ان ڪري ان پارٽي جي حڪومت کي پارٽي شاونزم کان مٿي بيهي سوچڻ ۽ عمل ڪرڻ گهرجي، اهو ئي جمهوريت جو روح هوندو اهي. پيپلز پارٽي حڪومت ان تنقيد جو جواب پاڻ ڏئي ته چڱو ڇاڪاڻ ته سنڌ جو عوام سندس ڏوهن ۽ ثوابن ۾ شريڪ نه آهي ۽ نه ٿيڻ پسند ڪندو. البت جنهن قسم جي غير جابداري نواز شريف گهري آهي، ان جو مطلب ايم ڪيو ايم جي حوالي سان ٿيندڙ دهشتگرديءَ کي هٿي ڏيڻ کانسواءِ ٻيو ڪجهه به نه آهي.
حزب اختلاف جي هٿ ٺوڪي ”قومي ڪانفرنس“ ۾ سنڌ جي نمائندگي ڪنهن ڪئي؟ ڇا ان ۾ عوامي تحريڪ، جيئي سنڌ ترقي پسند پارٽي، سنڌ قومي محاذ، سنڌ ساگر پارٽي، جمعيت علماءِ سنڌ ۽ سڀ کان وڏي ڳالهه ته پيپلز پارٽي موجود هئي؟ جيڪڏهن ڪو به ڪو نه هو ته پوءِ اها ڪهڙي قسم جي قومي ڪانفرنس هئي؟ مسٽر غير جانبدار نواز شريف کي گهرجي ته پهرين پنهنجي وجود مان جانبداري ڌوئي ڪڍي ۽ ڪراچيءَ جي مسئلي کي پنجاب جي حڪمران طبقي جي اک سان ڏسڻ بدران سنڌ جي اصل وارثن جي اک سان ڏسي. سندس ”غير جانبداري“ سان اٿي پون ۽ خود پنجاب نون سورن ۾ پئجي وڃي! هن سياسي ماحولياتي آلودگيءَ جي زمان ۾ هونئن ئي ڪا به اڳڪٿي ڪري نٿي سگهجي ته سڀاڻي سوچ جو ڪهڙو سمنڊ اڳتي وڌندو ۽ ڪهريون تبديليون آڻيندو!