ٻيٻاهو، ڄاهو (ڊِگهه ڪَنو ڄاهو)

ڊِگهه ڪَنو ڄاهو Indian Desert Hedgehog / Hemiechinus collaris /
ٻيٻاهو، ڄاهو (ڊِگهه ڪَنو ڄاهو)
هن ڄاهي يا ٻيٻاهي جو رنگ ڪارسرو ٿئي ٿو. پُٺيءَ جا ڪنڊا تقريبا منو انچ ڊگها ٿينس ٿا. ڪَنَ وڏا اٿس. عام طور تي ڏينهن جو ٻين جانور جي ٻرن ۾ آرام ڪندو آهي ۽ رات جو شڪار لاءِ نڪرندو آهي. نظر ڪمزور پر سنگهڻ جي حِس ڪافي تيز اٿس، جنهن سان خوراڪ تلاش ڪندو آهي.
جيت، ننڍڙا ڪوئا، ڪِرڙيون، نانگ، ڏيڏر وغيره کائيندو آهي؛ جيڪڏهن گهڻو بکايل هجي ته وڏن جانورن تي به حملو ڪري ٿو. شڪار جو ڪوبه حصو وات ۾ آيس ته ان کي جهلي چٻڻ شروع ڪري ڏيندو آهي ۽ پاڻ کي وڪوڙي ڪنڊا اُڀا ڪري ڇڏيندو آهي ته جيئن جوابي حملي ۾ محفوظ هجي. ڇيڙ ڇاڙ ڪرڻ سان گول بال وانگر ويڙهجي ويندو آهي. سياري ۾ موسمي نِستائيءَ (hibernation) ۾ هليو ويندو آهي. هي ماحول : 5 جو جانور آهي.