ابڙو اڪيڊمي Abro Academy
2020-11-05
داخلا نمبر 1128
عنوان پاڪستان: سڀني لاءِ جنگ جو کليل ميدان
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1253
داخلا جو حوالو:
هن داخلا جون تصويرون نه مليون
اءِ پاڪستان جي زمين سوچي سمجهي چونڊي آهي ڇاڪاڻ ته ان تنظيم کي ملڪ ۾ مذهبي جماعتن جي ڏاڍي حمايت حاصل آهي. ان ئي سلسلي ۾ اها خبر به شامل ڪري سگهجي ٿي ته گذريل سال اسلام آباد ۾ پاڪستان ۽ مصر جي حڪومتن هڪ ٺاهه تي صحيحون ڪري ڏوهارين جي مٽا سٽا جو سلسلو شروع ڪيو هو جنهن تحت ڪافي مصري شهرين کي پاڪستان مان مصر موڪليو ويو. اهي ماڻهو پنهنجي ملڪ ۾ سخت ڏوهن جي الزام هيٺ گهربل هئا. انهن مان اڪثر مصرين افغان جنگ ۾ به بهرو ورتو هو ۽ جنگ جي خاتمي کانپوءِ ملڪ جي ڏورانهن قبائلي علائقن ۾ آباد ٿي ويا هئا. ان خبر سان ”مصري مجاهدن“ جو پاڪستان ۾ وڏي تعداد ۾ وجود ثابت ٿي وڃي ٿو. ٻئي طرف اهو نه وسارڻ گهرجي ته خود پاڪستان (جيڪو جنرل ضياءَ جي وقت کان وچ ايشيا ۾ نئين سر اسلام ايڪسپورٽ ڪرڻ جي ڪوشش ڪري رهيو هو) پاڻ به الجزائر ۽ مصر وانگر اسلامي انقلاب جي دائري ۾ وڪوڙجي رهيو آهي.