ابڙو اڪيڊمي Abro Academy
2020-11-05
داخلا نمبر 1067
عنوان پاڪستان جي ثقافتي پاليسي
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1193
داخلا جو حوالو:
هن داخلا جون تصويرون نه مليون
ن قومي آهن ۽ اڙدوءَ جي حيثيت رابطي واري زبان جي آهي. ان ڪري هر زبان جي ترقيءَ طرف ڌيان ڏنو وڃي.
ڪتابن جي مهانگائيءَ جو مسئلو موجود آهي. هندستان ۾ ادب جي ترقيءَ لاءِ حڪومت جا ذميوار ادارا هر ڇپيل ڪتاب جون 200 کان 300 ڪاپيون ضرور خريد ڪن ٿا. جيڪڏهن پاڪستان ۾ به ايئن ٿئي ته پڪ سان چئي سگهبو ته هتي بوڪ ڪلچر بهتر ٿيندو. ثقافتي پاليسيءَ لاءِ اها تجويز سٺي آهي ته هيٺين سطح تائين اڪيڊمي پنهنجو نيٽ ورڪ ٺاهي، مقامي ادبي ادارن سان رابطو ۽ سندن همٿ افزائي ڪري ۽ اڪيڊميءَ سان لاڳاپيل ڪار ڪرت کي ڪامورڪي انداز سان هلائڻ بدران ادبي ماحول ۾ هلائي.
مسٽر فخر زمان ثقافتي پاليسيءَ جو دائرو جنهن حد تائين وسيع رکيو آهي، اهو تمام وڏو ڪم آهي. اسان جي خواهش آهي ته هو ايئن ڪري سگهي پر اسان کي خدشو آهي ته هو اڪيلي سر ايترو ڪم ڪري نٿو سگهي. جيڪڏهن هو ان ڪم تي گرفت رکي به ويو تڏهن اها ”اسلام آباد“ جي حد تائين هوندي. اسلام آباد ۾ ”ثقافت جي تشهير ۽ ترقي“ وارا ذميوار ادارا ته ٿي سگهن ٿا پر پاڪستان جي ثقافت نگرپارڪر کان تورخم تائين پکڙيل آهن. لاهور، پشاور، ڪوئيٽا ۽ ڪراچي به اوستائين پهچي نٿا سگهن. اوستائين مقامي محققن ۽ اديبن جي مدد کانسواءِ پهچي به نٿو سگهي.