0000-00-00
داخلا نمبر 1708
عنوان پليجن جو قبرستان
شاخ ڪينجهر ڪوهستان
پڙهيو ويو 5945
داخلا جو حوالو:
هن داخلا جون تصويرون نه مليون
موجود آهي. عام ساديون قبرون بنهه ساديون آهن. قبر جي سيرانديءَ کان هڪ وڏو اُڀو پٿر کوڙيو ٿي ويو ۽ باقي قبر تي رواجي پٿر رکيا ٿي ويا. اُڀو پٿر کوڙڻ مهل اها شعوري ڪوشش نظر اچي ٿي ته اهو پٿر جيترو ڊگهو هجي اوترو بهتر! اڪثر پٿر ٻه، اڍائي ۽ ٽن فٽن جا آهن. جيڪڏهن سيرانديءَ وارن انهن پٿرن کي نگاهه ۾ رکي جائزو وٺبو ته اهي اڪثر ڪري هڪ سڌي ليڪ ۾ کتل نظر ايندا.
ٻي خاص ڳالهه اها آهي ته اهي قبرون اڄڪلهه جي عام قبرن جي ڀيٽ ۾ ڊگهيون آهن. انهن جي اڪثر ڊيگهه اَٺ ڏهه فٽ کن آهي. ايئن ڇو آهي؟ بس! ايئن چئي سگهجي ٿو ته ان زماني ۾ اهو عام رواج هوندو ته قبرون ڊگهيون ٺاهيون وڃن.
سڄي قبرستان ۾ فقط هڪ قبر تي، جيڪا ماڻهوءَ جي قد کان اوچي آهي، سيرانديءَ واري پاسي ڪلمو شريف ۽ ٻيا اکر ڪوريل آهن، جن مان ’ابوبڪر‘ نالو پڙهي سگهجي ٿو. ٻيا لفظ اڍنگائيءَ سان ڪورڻ سبب پڙهي نٿا سگهجن. جيئن ته اهي اکر ڪوري لکيل آهن انڪري لڳي ٿو ته اهي نالا قبرون ٺهڻ کان پوءِ لکيا ويا آهن. عام طور گهاڙين تي اصلي لکتون اُڀريل هونديون آهن جن جو رواج کوٽي لکڻ کان پوءِ پيل ٿو لڳي.