پنجابي جمهوريت پسند لسي پيئڻ ملتوي ڪن تہ چڱو!

�ان ويڙھہ ۾رتورت ٿي نڍال ٿيندو آهي؟ ڳالھہ بينظير جي بنيادي حقن جي دفاع ۽ قومي قيادت جي آهي تہ پوءِ بينظير لاءِ رڳو سنڌ ڇو سٺو پاڪستان اٿي! خود بينظير بہ پاڻ کي قومي اڳواڻ سمجهي ۽ سڏائي ٿي ۽ قومي اسيمبليءَ ۾ مخالف ڌر جي اڳواڻ آهي. ڳالھہ جيڪڏهن ننڍن صوبن جي حقن جي آهي تہ پوءِ رڳو سنڌي ڇو؟ ٻروچ، پٺاڻ ۽ سرائيڪي قيادت جنگ لاءِ پنھنجي رتي ڇو ٿا ڏين؟ آئون ايم ڪيو ايم جي روش ۽ ڪردار سان گڏ ان جي اعمال نامن کي بہ ڏسان ٿو. ان ڪري انھن تي تبصرو نٿو ڪريان! ڳالھہ جيڪڏهن مافيائن سان ويڙھہ جي آهي تہ پوءِ ان لاءِ رڳو سنڌ جا ڪارڪن هٿڪڙيون ڇو پائين؟

ڳالھہ صاف بيٺي آهي. هن ڀيري پاڪستان کي بچائڻ لاءِ خود پنجاب کي پنھنجي ڌرتيءَ تي جمهوري جنگ وڙهڻي پوندي، ساٿ ڀلي سڀ ڏين! جيڪڏهن ايئن نٿو ٿئي تہ پوءِ اسان تاريخ ۾ پڙهي چڪا آهيون ۽ انھن اذيت ناڪ لمحن مان لنگهي آيا آهيون جڏهن بلوچن، پٺاڻن ۽ سنڌين جمهوريت ۽ قومن جي حقن لاءِ گوليون، ڦاهيون، ڦٽڪا ۽ قيد کاڌا، ان وقت پنجاب جا اڳواڻ لسي پي ستا پيا هئا. هاڻي کين لسي پيئڻ جو پروگرام ملڪ جي چئني صوبن جي عوامي، قومي ۽ جمهوري حقن جي بحاليءَ تائين ملتوي ڪرڻو پوندو ۽ ڪرڻ گهرجي، نہ تہ سڀ ڪجھہ بيڪار آهي ۽ چڪنا چور ٿيل اعتماد ڪنھن بہ مسالي سان جڙي ڪو نہ سگهندو، ملڪ انتشار ۾ تہ آهي ئي، ٽٽڻ ڏانھن بہ وڌي سگهي ٿو.