0000-00-00
داخلا نمبر 1703
عنوان پورچوگيز
شاخ ڪينجهر ڪوهستان
پڙهيو ويو 6302
داخلا جو حوالو:
هن داخلا جون تصويرون نه مليون
پورچوگيز:
جڏهن پورچوگيزن هٿان ٺٽو شهر سڙيو، تڏهن تغلق آباد موجود هو. هي مرزا عيسيٰ خان ترخان جو دور ۽ سن 963 هه (1555ع) هو. جنهن ڏينهن باهه لڳي ۽ ڦرلٽ ڪئي وئي، چون ٿا ته ان وقت عيسيٰ خان ٻاهر ويل هو. مرزا کي شهر جي مرمت ڪرائڻي پئي. سن 1150هه (1737ع) ۾ نادر شاهه، ميان نور محمد ڪلهوڙي کي ٺٽو ۽ سيوستان ڏنا. سن 1171هه (1758ع) ميان غلام شاهه جي دور ۾ ايسٽ انڊيا ڪمپني ٺٽي ۽ اورنگا بندر ۾ ڪارخانا وڌا جيڪي پوءِ ميان سرفراز بند ڪرائي ڇڏيا.
جنهن وقت نادر شاهه سنڌ ۾ ڦرلٽ ڪئي، تڏهن تغلق آباد ويران ٿي چڪو هو. ڏکڻ سنڌ جو حاڪم طبقو مڪمل طرح ٺٽي ۾ رهائش پذير ٿي چڪو هو ۽ ڪلهوڙن جي گاديءَ جو هنڌ خدا آباد هو.