ٿر اڌ ۾، ڪيٽي بندر پنڌ ۾

/a> ۾ في الحال ٻه عدد پاور پلانٽ هڻي 1230 ميگا واٽ بجلي ٺاهيندي. ٿر جي ڪوئلي جو استعمال اڃا تائين هڪ سوال آهي. گورڊن وو ٿر جو ڪوئلو استعمال جوڳو سمجهي ئي نٿو پر هن 5 ملين ڊالر (18 ڪروڙ رپيا) سنڌ ڪول اٿارٽي کي ڏنا آهن ته ان رقم سان ٿري ڪوئلي بابت هڪ ڀيرو ٻيهر تفصيلي چڪاس ڪرائجي ته ڇا واقعي اهو ڪارآمد هوندو؟ جيڪڏهن اهو ڪارآمد ٿيو ته پوءِ 6 عدد ٻيا پلانٽ به نئين ڪيتي بندر تي لڳندا.
حڪومت کي پاور پلانٽن جي تڪڙ آهي، انڪري پاور پلانٽ لاءِ گهربل زمين مفت ۾ ڏني وئي آهي. پروگرام ته وڏا آهن پر اها بجلي عوام کي مسٽر گورڊن وو جي اگهن تي ملندي ڇاڪاڻ ته هو پاڪستان جي عوام جي خدمت ڪرڻ جي جذبي سان نه، ڪمائڻ لاءِ هيڏو خفو ڪري ۽ پئسو سيڙائي رهيو آهي. ٿر وارو هانگ پاڪ قصو شايد هميشه لاءِ ”فائل“ ٿي ويو آهي پر نئين ڪيٽي بندر تي گورڊن وو قصي جي ڪاميابيءَ جو ٿورو گهڻو امڪان ان ڪري آهي ته گورڊن وو جا سمورا شرط قبول ڪيا ويا آهن جيتوڻيڪ اڃا تائين گورڊن وو پاڪستان ۾ آفيس به قائم ڪو نه ڪئي آهي جيتوڻيڪ اڃا تائين گورڊن وو پاڪستان ۾ آفيس به قائم نه ڪئي آهي ۽ سندن چار عيوضي ڪراچي جي هڪ فائيو اسٽار هوٽل جي هڪ ڪمري مان ليٽر بازي ڪري رهيا آهن. گورڊن وو جي اها ٽيم اڃا اچڻي آهي جيڪا گرائونڊ بريڪنگ کان اڳ ڪاغذ پٽن کي ڪا سڪل ڏيندي پر نئين ۽ هاڻوڪي ڪيٽي بندر تي هيلي پيڊ تيار ٿي چڪا آهن. هر رٿا تجويز ٿيل اهي پر ڪا به تجويز فائنل ٿيل نه آهي. هر شيءَ ”ممڪن آهي ته ٿئي ۽ ممڪن آهي ته ڪنهن ٻي صورت ۾ ٿئي يا نه ٿئي“ واري صورتحال ۾ آهي پر ڪيٽي بندر روڊ تي سرڪاري گاڏين جي ڊوڙ ڊڪ وڌي وئي آهي. ڊوڙ ڊڪ ته موجود آهي پر ڪيٽي بندر جي عوام جي ان پروجيڪٽ ۾ شرڪت ڏسڻ ۾ نٿي اچي. ڪي قدر خوف، ڪي قدر خوشي ۽ ڪي قدر لاتعلقي ماحول کي ويڙهي ويئي آهي. ڪيٽي بندر شهر (جنهن کي شهر بدران ڳوٺ چئجي ته بهتر)، جي آبادي ايتري ناهي جيتري گهرج علائقي کي بندر ۽ پاور پلانٽ جي اڏاوت مهل مزدورن جي پوندي. ڪيٽي بندر جي هڪ جهوني چيو، ”جيڪڏهن هتي ڪراچيءَ جهڙي ترقي ٿيڻي آهي ته پوءِ ڇا اسان کي به ڪراچيءَ جي سنڌين واري حالت کي منهن ڏيڻو پوندو؟“ هن سوال کي نه حڪومت نظر انداز ڪري سگهي ٿي ۽ نه سنڌ جا قديم لوڪ.