ابڙو اڪيڊمي Abro Academy
2020-11-06
داخلا نمبر 1192
عنوان ٿر جي ترقيءَ جو ڇا ٿيو؟
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1149
داخلا جو حوالو:
هن داخلا جون تصويرون نه مليون
. جڏهن خوابن کي تعبير نه ملندي آهي تڏهن اهي خواب بدروحن وانگر ماڻهن جو پيڇو ڪندا اهن ۽ زندگيءَ کي صحرا جهڙو ڏکيو ڪري ڇڏيندا اهن. ٿري ماڻهو، جن جي زندگي اڳ ئي صحرا آهي، ويتر رڻجي وئي اهي.
ٿر ڪڏهن دبئي ٿيندو؟ اهو سوال سائين عبدالله شاهه کان پڇڻ ان ڪري وقتائتو آهي جو هاڻي ڪوئلي جي ابتدائي کوٽائيءَ واري تقريب کي هڪ سال پورو ٿي چڪو آهي. جيڪڏهن ٿر واقعي دبئي ٿيڻو آهي ته پوءِ اهڙا آثار اڃا تائين ڏسڻ ۾ ڇو نٿا اچن؟ جيڪڏهن ٿر جي ترقيءَ جو اهو ”روشن باب“ کلڻ کان اڳ ئي بند ٿي چڪو آهي ته پوءِ ”رسم قل“ به ٿيڻ گهرجي. جيڪڏهن ڪنهن ٻوٽي جي پوکجڻ مهل دعا گهري وڃي ٿي ته پوءِ ان مهل به مغفرت لاءِ هٿ کڻڻ گهرجن، جڏهن اهو ٻوٽو ڪومائجي سڙي وڃي ٿو. الائي ته ڇو اسان وٽ اهڙيون رسمون فقط انسانن جي موت لاءِ مخصوص آهن؟!