0000-00-00
داخلا نمبر 1508
عنوان ڀـنـڀـور
شاخ ڪينجهر ڪوهستان
پڙهيو ويو 6818
داخلا جو حوالو:

داخلا ۾ استعمال ٿيل تاريخون

1250.00.00-A.D

13 صديءَ ۾ ڇا ڇا ٿيو؟ ۽ ڀنڀور تي ڪهڙي ڪاهه ٿي هئي؟ اول ته تيرهين صديءَ ۾ گهارو کاڙي خشڪ ٿي وئي ۽ ٻيو ته اهو جلال الدين شاهه خوارزم هو جنهن 13هين صديءَ جي شرو ع ۾ سنڌ ۾ حملن دوران سامونڊي ڪنارن جون ڪافي آباديون فتح ڪيون هيون. شاهه خوارزم سن 1223ع (618 هه) ۾ ان وقت سنڌ آيو، جڏهن چنگيز خان کيس افغانستان مان ڊوڙائي ڪڍيو هو ۽ هُو پنهنجي لاءِ نئين حڪومت حاصل ڪرڻ لاءِ سنڌ آيو. ’طبقات ناصري‘ ۾ لکيل آهي ته ”جلال الدين خوارزم شاهه بر زمين سند آمد و بطرف ديبل و مڪران رفت“. هينري ڪزنس ۽ ڪنگهم به ايئن ئي سمجهن ٿا ته ڀنڀور 1250ع ڌاري تباهه ٿيو.

1929.00.00-A.D

ڀنڀور جي کوٽائيءَ جو ابتدائي ڪم 1929 ۾ مجمدار صاحب ڪيو، پر اهي تجرباتي کوٽايون هيون ته جيئن اسلام کان آڳاٽي دور جو ڪو پتو پوي. پر هن کي ڪا به ڪاميابي نه ٿي. هن کي هڪ ديوار جي ڀرسان عرب دور جا 80 ٽامي جا سِڪا ۽ ڪاشيءَ جا چمڪدار ٿانوَ مليا. ان کان پوءِ مسٽر الڪاڪ 1951 ۾ ڀنڀور ۾ کوٽائي ڪرائي ۽ نتيجو ڪڍيو ته هي عرب دور جو شهر آهي ۽ ان جو ديبل سان ڪو به واسطو نه آهي.“

1958.00.00-A.D

نيٺ، 65 - 1958 ۾ ايف اي خان جي اڳواڻيءَ ۾ پاڪستان آرڪيالاجي کاتي اهو ذهن ٺاهي کوٽايون ڪرايون ته ڀنڀور ئي ديبل ٿي سگهي ٿو. ڊاڪٽر ايف اي خان چيو ته ، ”اهڙي سخت چئلينج جي صورت ۾ ، جو ديبل جي ڀنڀور سان شناخت ڪرڻي هئي، محڪمه آثار قديمه 65 - 1958 ۾ نئين سر اڀياس ڪيو.“ نيٺ اهو ئي نتيجو ڪڍي پيش ڪيو ويو.

ڀنڀور

ڀنڀور