ابڙو اڪيڊمي Abro Academy
2020-11-06
داخلا نمبر 1158
عنوان ڀور ڀور ٿيل اعتماد تي ڪالاباغ بند جا بنياد ڪيئن رکبا؟
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1087
داخلا جو حوالو:
هن داخلا جون تصويرون نه مليون
جو ڪو به داد فرياد ناهي ٿيو. ساڳي حالت تربيلا تي ڪئي وئي آهي. پاڻيءَ جي چاٻي واپڊا ۽ پنجاب وٽ آهي. تربيلا جو پاڻي، جيڪو تاريخي طور تي ڪڏهن به پنجاب جو ڪو نه هو، ان جي چاٻي به پنجاب جي هٿ ۾ ڏني وئي آهي. هاڻي ڪمپيوٽرائزڊ مانيٽرنگ سسٽم جي ڳالهه ڪئي وڃي ٿي، جيڪا سنڌ جي پراڻن مطالبن ۾ شامل آهي. پر، شايد هاڻي دير ٿي چڪي آهي. اهو سرشتو ڪم ڪندو، ان جي ڪهڙي ضمانت آهي؟ ضمانت جو بنياد جيڪڏهن دستاويز هجي ها ته اڳوڻن دستاويزن کي قبول ڪيو وڃي ها! ضمانت جو بنياد جيڪڏهن ويساهه آهي ته اهو به ٽٽي چڪو آهي. ڪالاباغ جي سوال تي هن وقت پنجاب کي ٽنهي صوبن جي پاران اهو ئي جواب آهي ته، ”بس! هاڻي گهڻو ٿيو. سڀ کان پهرين اڳوڻن سڀني دستاويزن تي عمل ڪريو. لنڪ ڪئنالن جي ويڪر ۽ اونهائي اصل تصريحن موجب گهٽايو، انهن لنڪ ڪئنالن مان نڪتل ٻيا غير قانوني ڪئنال بند ڪريو، منگله مان سنڌ لاءِ اوائلي خريف جو پاڻي بحال ڪريو، سنڌوءَ جي ڏن ڀرو ندين ۽ نالن تي ٻڌل هر بند ٽوڙيو... ان کانپوءِ اچو ۽ ڪنهن نئين سوال تي ڳالهايون!“