0000-00-00
داخلا نمبر 1477
عنوان ڄام آري
شاخ محال ڪوهستان
پڙهيو ويو 23766
داخلا جو حوالو:
هن داخلا جون تصويرون نه مليون
ڄام آري:
سنڌجي تاريخ ۾ ڄام آريءَ جو پڙاڏو ڪافي گونجي ٿو. هڪ ڄام آريءَ جو ذڪر شاهه لطيف جي شاعريءَ ۾ آهي، جنهن جو ذڪر سسئي پنهون واري داستان ۾ آهي. ڀٽائي صاحب پنجاهه کان وڌيڪ ڀيرا آري، آري ڄام ۽ آريجن جو ذڪر ڪيو آهي پر تؤنگ وارو آري ڄام ڪو ٻيو آهي.
سنڌ بلوچستان ۾ آري ڄام جا آستانا يا مزارون ڪافي جاين تي آهن. آري پير جو هڪ آستانو يا مزار مول کان اتر طرف آهي. هڪ آستانو آنڌار جبل ۾ ان هنڌ آهي جتي نئه سارونا آنڌار جبل مان ٻاهر نڪري ٿي. اڄڪلهه اتي ڊيم ٻڌو ويو آهي، لاهوتي فقير اتي زيارت لاءِ پهچندا آهن. آري پير جي هڪ مزار لڪي جبل جي اولهه ۾ ۽ جهانگارن کان ڏکڻ طرف آهي.