چمڙو (ترشولي پَن- نَڪو)

تِـرشولي پَن- نَڪو چمڙو Trident leaf-nosed Bat / Asellia tridens /
چمڙو (ترشولي پَن- نَڪو)
هي چمڙو سڄو ڏينهن ٻرن، غارن، ٽاڪرو وِٿين ۽ ڏرڙن ۾ پيو هوندو آهي. آواز جون لهرون پيدا ڪري انهن جي پڙاڏي تي اڏامندڙ جيت وات ۾ يا پنهنجن پرن کي جهولي ٺاهي جهٽيندو آهي. ائين ئي پوين پيرن ۽ پڇ سان ڳنڍيل کل کي کيسي وانگر سوڙهو ڪري جيت جهلي سگهندو آهي. ماحول : 5 جو هيءُ چمڙو آهي ڏکڻ بلوچستان ۽ سنڌ ڪوھستان ۾ رھندو آھي.
هن چمڙي جي نڪ مٿان موجود پردي کي ٽي شاخون هونديون آهن، انڪري ان کي ترشولي چئجي ٿو. جسم جي ڊيگهه 5 کان 7 سينٽي ميٽر ٿئي ٿي، ۽ پڇ ٻه اڍائي سينٽي ميٽر ڊگهو هوندو اٿس. هن چمڙي جا ڪَن پپر جر پَن وانگر نوڪدار ۽ وڏا ٿين ٿا، انهن تي بَج يا وار ڪونه ٿين. هي چمڙا غارن ۽ ڏرڙن ۾ رهندا آهن ۽ جيت خور آهن. بهار جي مند ۾ افزائش نسل ٿيندي آهي.