ابڙو اڪيڊمي Abro Academy
2020-07-07
داخلا نمبر 473
عنوان چمڙو (ننڍو ڪھلي)
شاخ مماليه
پڙهيو ويو 1192
داخلا جو حوالو:
ڪُهلي ننڍو چمڙو Kuhl’s Pipstrelle / Pipistrellus kuhlii /
ڪُهلي ننڍو چمڙو Kuhl’s Pipstrelle / Pipistrellus kuhlii /
ڪُهلي ننڍو چمڙو Kuhl’s Pipstrelle / Pipistrellus kuhlii /
چمڙو (ننڍو ڪھلي)
هن چمڙي جي پٺيءَ سرمائي ۽ پيٽ ڦڪو سرمائي هيڊو ٿئي ٿو، هن جا ڪَن ڪجهه وڏا ٿيندا آهن. گهڻا گڏجي آرام ڪندا آهن. عام طور تي سج لٿي مهل جيتن جي شڪار تي نڪرندا آهن، انهن مان اڪثر پاڻيءَ جي مٿان اڏامندا ڏسبا آهن. اڏامڻ ۾ تيز آهن ۽ ضرورت وقت تڪڙو موڙ کائي ويندا آهن. گُهت هڻڻ يا هڪدم اڏامڻ ۾ ڀڙ آهن. ان ريت کين جيت جهلڻ ۾ وڏي مهارت آهي. چمڙو کير پياريندڙ (مماليه) جانور آهي، جنهن پنهنجي جسم کي ان ريت بدلايو آهي جو هٿن ۽ پيرن جون آڱريون ۽ پڇ پردي نما کل سان پاڻ ۾ ڳنڍجي ويا آهن ۽ پرن جو ڪم ڏين ٿا، جن جي مدد سان اڏامندو آهي. ان جو جسم 4.5 سينٽي ميٽر ۽ پڇ 4 سينٽي ميٽر ٿئي ٿو. مادي هڪ وقت ۾ ٻه ٻچا ڏيندي آهي. هي ماحول : 3 جو مماليه آهي.