ڇا پاڪستان ۾ اعصابي جنگ ڪو نہ پئي هلي؟

�ني! حضرت موسيٰ جي قوم کي تہ وري بہ چاليھن سالن جي رولڙي کانپوءِ ”واعدو ڪيل سر زمين“ ملي وئي هئي. توهان تہ اڌ صديءَ کان وڌيڪ عرصو رڃ ۾ رلايو آهي ۽ وري بہ ايٽم بمن جي پاڇي ۾ اچي بيھاريو آهي!

ڇا ايئن ڪو نہ پيو لڳي تہ فوجي ادارا سول ادارن جي ذهني توازن ۽ معيشت وڃائڻ جي چڪر ۾ آهن، سياستدان هڪٻئي کي چريو ڪرڻ ۽ ترا ڪڍڻ جي ڪوشش ۾ آهن ۽ اهي سڀ ڪامورن، واپارين ۽ ڪارخانيدارن سان گڏجي خلق کي ڀوڪ بصر بنائي پنھنجو ڪم ڪڍڻ ۾ مصروف آهن. ڇا توهان کي وقت جي حاڪمن ۾ فريب، اختلاف ۽ سمورن قومي ادارن سميت خدا جي خلق ۾ هيجان نظر ڪو نہ ٿو اچي؟ ڇا اهو سڀ ڪجھہ حادثاتي طور ٿي رهيو آهي يا. ”ڪو“ آهي جيڪو شعوري طرح ايئن پيو ڪري! هن ملڪ ۾ رهندڙ سڀ جا سڀ ماڻهو حادثاتي طور چريا ٿي رهيا هجن ۽ هيجان ۾ مبتلا هجن! اها ڳالھہ منھنجي سمجھہ ۾ نٿي اچي! يقينن، ڪنھن نہ ڪنھن تہ هن اعصابي آزمائش/جنگ جو بٽڻ پنھنجي هٿ سان دٻايو آهي.