ڇا ڪجهه ”آف دي رڪارڊ“ به آهي؟

�بت ڪيو ته بندوق جي زور تي هليل هر تحريڪ فقط تشدد جي ڪلچر کي جنم ڏيندي آهي. ماضيءَ ۾ جيڪڏهن ڪٿي بندوق جي زور تي ڪا خوني تبديلي آئي به آهي ته اها جٽاءُ ڪري نه سگهي آهي. هر خوني تبديلي، اڳتي هلي ان کان به وڏي خوني تبديليءَ کي جنم ڏيندي آهي.
صدر لغاريءَ ايم ڪيو ايم تي جيڪي ڳالهيون واضح ڪيون، وزيراعظم به اهي ئي ڳالهيون ڪندي آئي آهي پر ڇاڪاڻ ته ايم ڪيو ايم کي ڀٽو خاندان سان خدا ڪارڻ جو وير آهي، ان ڪري اهي ڳالهيون رسمي طور فقط ان مهل ”مشبت“ چيون ويون جڏهن صدر لغاريءَ ڪيون. قوم کي ايم ڪيو ايم جي نفسيات جو ٿورو گهڻو پتو پئجي ويو آهي، ان ڪري اهو چئي سگهجي ٿو ته جلد ئي صدر پاڪستان سان ٿيلن ڳالهين بابت به ايئن ئي چيو ويندو ته انهن مان ڪو کڙ تيل حاصل نه ٿيو! کڙ تيل مان ايم ڪيو ايم جي مراد شايد صرف اها ٿي سگهي ٿي ته پيپلز پارٽيءَ جي حڪومت ڊهي ۽ ٻيو ته ايم ڪيو ايم جي دهشتگردن کي معصوم قرار ڏيئي کين بنا ڪيس هلائڻ جي آزاد ڪيو وڃي! اشتياق اظهر پنهنجي ڳالهه ٻولهه جي رپورٽ لنڊن اماڻي چڪو آهي. ڏينهن ٻن ۾ خبر پئجي ويندي ته الطاف حسين هاڻي ڪهڙي لائين ڏئي ٿو! ٻٻر مان ٻيرن جي توقع ڪنهن کي به نه آهي. ڏسڻو فقط اهو آهي ته ناٽڪ ڪيترو وقت هلي ٿو ۽ ان جا اڃا ڪيترا ”پڙاڏا“ ڪرندا؟ بس! رڳو ”آف دي رڪارڊ“ ڪجهه نه هجي!