ابڙو اڪيڊمي Abro Academy
2020-11-04
داخلا نمبر 909
عنوان ڇِني ڪوٽ جا نشان
شاخ منڇر گورک گاج دنيا
پڙهيو ويو 1113
داخلا جو حوالو:
هن داخلا جون تصويرون نه مليون
ڇِني ڪوٽ جا نشان
هاڻي، اسان هن ڪوٽ جا نشان ڳولي رهيا هئاسون، جنهن جو ذڪر سائين غلام حيدر رانجهاڻيءَ ڪيو هو. اهي نشان ٺيڪ اتي آهن جتي هاڻي ٿاڻو ٺهيل آهي. ڏکڻ اولهه واري پاسي کان ڇِني ايندي واٽ تي بُٺيءَ مٿان ٿاڻو قائم آهي. يقيناً َ هيءَ جاءِ ڪنهن به ٿاڻي يا ڪوٽ لاءِ تمام مناسب هئي. ڪوٽ جون ديوارون ڊهي غائب ٿي چڪيون هيون، ٻه برج به نظر نٿا اچن. البته ٻه ٺلهه بيٺا آهن، ڄڻڪه ڪو داستان ٻڌائڻ لاءِ رهجي ويا آهن. انهن مان هڪ ٺلهه زماني جو ڪا ڪافي ستايل ۽ زبون حالت ۾ هو. اولهه ڏکڻ ڪنڊ تي بيٺل آخري برج اسان کي منجهائي وڌو. اسان ان جو چئني پاسن کان جائزو ورتو، ماپ ڪئي ۽ فوٽو ڇڪيا. هن برج جا بنياد زمين کان ڇهه فٽ مٿي تائين بيٺا آهن جيڪي اڻگهڙيل پٿري بلاڪن جا آهن ۽ مِٽي گاري سان اوساريل آهن. ان کان مٿي مٽيءَ جو ٺلهه آهي. ان برج تي چڙهڻ لاءِ ڏاڪڻ جو مستقل انتظام هو. اسان هن ٺلهه کي ڪوٽ جو حصو نه سمجهون ها ڇو ته ان ۾ ڪنهن ننڍي اسٽوپا جهڙيون وصفون نظر ٿي آيون، پر ان کي ڇا ڪجي جو سامهون بيٺل هڪ ٻيو ننڍڙو ۽ زماني جو ستايل ٺلهه ان جي بلڪل سِڌ ۾ بيهي چئي رهيو هو ته ،”متان ڪنهن غلط فهميءَ ۾ پئو، اهو به منهنجو ڀاءُ ۽ ڇِنيءَ جي قديم ڪوٽ جو هڪڙو برج اٿوَ!“ اسان ان ننڍڙي شاهد جي ڳالهه تي اعتبار ڪيو ۽ ڏکڻ طرف پري کان نظر ايندڙ مقبرن ڏانهن رخ ڪيو.