ابڙو اڪيڊمي Abro Academy
2020-11-04
داخلا نمبر 899
عنوان ڏلهه ماڳ
شاخ منڇر گورک گاج دنيا
پڙهيو ويو 1135
داخلا جو حوالو:
هن داخلا جون تصويرون نه مليون
ڏلهه ماڳ
جابلو سلسلي جي اولهه واري شآخ جي اولهه ۾ جبل جي ڪنڌي وٽان قديم شاهراهه تي ٻنڌڻي کان ڪرچات جي وچ ۾ رستي جي اوڀر ۾ هڪ ڪلوميٽر جي فاصلي تي ٽڪرين جي وچ ۾ نئن جو پيٽ آهي. هتي ٻه قديم آثار آهن. هڪ رهائشي سائٽ ۽ ٻي ’ڪورن واري ڀر‘. ڏلهه جي ڀرپاسي ۾ ٻن فرلانگن جي فاصلي تي نئن جي وهڪري لڳ تاريخ کان آڳاٽا آثار ڏيڍ ٻن ڪلوميٽرن ۾ پکڙيل آهن جن ۾ ٺڪراٺو، جاين جا بنياد ۽ پٿر جا بليڊ، شامل آهن. هي علائقو سنڌو تهذيب جي آثارن سان ٽٻ آهي پر ڪنهن ڪنهن هنڌ آمري دور جو ٺڪراٺٽو، ٺڪر جا ڪنگڻ، بيضوي شڪل جون ٽڪيون، چن پٿر مان ٺهيل دروازي جا آکوٽا ۽ ٻيون شيون ملن ٿيون.