ابڙو اڪيڊمي Abro Academy
2020-11-05
داخلا نمبر 1049
عنوان ڪابل سان ناتن جو نئون مرحلو
شاخ ڪشالو ڪيچ ڏي: ايڊيٽوريل-1روزاني برسات ڪراچي
پڙهيو ويو 1243
داخلا جو حوالو:
هن داخلا جون تصويرون نه مليون
ڪابل سان ناتن جو نئون مرحلو
سو، ڪابل ۾ ڪم ڪندڙ پاڪستاني سفارتڪارن کي جڏهن مرهم پٽيءَ ۾ ٻڌل ڏٺو ويو ۽ اهو به ڏٺو ويو ته ڪابل جو حاڪم دوستي ٽوڙي دشمنيءَ تي لهي آيو آهي تڏهن پاڪستان کي ياد آيو ته افغانستان مان وڏي پئماني تي اليڪٽرانڪ سامان جي سمگلنگ ٿي رهي آهي. افغانستان پنهنجي ملڪ لاءِ شيون امپورٽ ۽ ايڪسپورٽ ڪرڻ لاءِ پاڪستان جي زمين زماني کان استعمال ڪندو آيو آهي. اڃا به کڻي ايئن چئجي ته ”غلط استعمال“ ڪندو آيو آهي. افغانستان جا طاقتور ماڻهو امپورٽ ڪيل مال ٻيهر پاڪستان ۾ داخل ڪري سٺي اگهه تي وڪڻي ”گذر سفر“ ڪندا رهيا آهن. ان کي ”گذر سفر“ جي سهوليت اڄ اوچتو کانئن کسي وئي آهي ته حيرت نٿي لڳي. حيرت ان ڪري نٿي لڳي ته پاڪستاني سفارتڪارن جو هڏ گڏ ڀڳل آهي. اها حالت انهن پيدا ڪئي، جيڪي ”گذر سفر“ ڪندا هئا. پاڪستان جي سيڪريٽري خارجه هنگامي پريس ڪانفرنس ۾ ”غير ضروري رعايتون واپس وٺڻ“ جو اعلان ڪندي اهو به چيو ته دشمني رکندڙ گروهن جون سهوليتون گهٽايون ويون آهن. ٻين اکرن ۾ دوستن لاءِ ”سهوليتون برقرار“ آهن. واضح هجي ته ”افغان راهداري واپار“ ذريعي ڏنل رعايتن سبب پاڪستان کي هر سال محصول نه ملڻ ۽ سمگلنگ سبب 130 ارب رپين جو نقصان ٿيندو رهيو آهي. افغانستان سان پاڪستان جا دوستي ۽ دشمنيءَ وارا عجيب غريب کٽا مٺا ناتا ڏسي هٿ پنهنجو پاڻ دعا لاءِ کڄي وڃن ٿا.