0000-00-00
داخلا نمبر 1412
عنوان ڪاساٽو
شاخ ڪراچي ڪوھستان
پڙهيو ويو 7809
داخلا جو حوالو:
هن داخلا جون تصويرون نه مليون
ڪاساٽو
مونا ڳاڙهه ۽ ’ڪاساٽو‘ جي وچ ۾ چار پنج ڪلوميٽر پنڌ آهي. ٻنهي آثارن جي وچ ۾ پڻ هڪ ڊگهي گبر بند جي ديوار نظر اچي ٿي. ان بند جو ڪو به نالو نه آهي پر اهو چوڻ ۾ ڪا به غلطي نه ٿيندي ته اهو سڄو علائقو سنڌو ۽ آمري تهذيبن دوران زراعت هيٺ هو ۽ ’ڪاساٽو‘ توڙي احمد ۽ مونا گاڙهه ماڳ پاڻ ۾ جاڙا آهن. گبر بندن جي وسعت کي نظر ۾ رکي اهو به اندازو هڻي سگهجي ٿو ته چئن کان پنج هزار سال اڳ هيءَ ماٿري بهتر برساتن سبب بي حد سائي ۽ خوشحال هئي.
ٻن ٽڪرين تي ٻڌل ڪاساٽو کنڊر بنا ڪنهن شڪ شبهي جي سنڌو تهذيب جو تمام شاندار ماڳ آهي. بيهڪ جي لحاظ کان ڪاساٽو ماڳ ’ نـُڪو بٺي‘ ماڳ جهڙو آهي، جيڪو منڇر جي ڏکڻ ۾ جهانگارن ۽ ڪائيءَ جي وچ تي آهي. ڪاساٽو ان جهڙو پر ان کان گهڻو وڏو، سهڻو ۽ ڳُتيل آهي. ڪاساٽي جي شهري رٿابندي پور وڇوٽ گهٽين ۽ رستن تي ٻڌل آهي، گهٽيون گوني ڪنڊ ٺاهي پاڻ ۾ ملن ٿيون، شهر جا بنياد پٿرن سان رکيل آهن، ان ۾ سِـر جو استعمال نه آهي.