ابڙو اڪيڊمي Abro Academy
2020-11-06
داخلا نمبر 1150
عنوان ڪالاباغ تي ”همخياليءَ“ لاءِ سختي ڇو؟
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1112
داخلا جو حوالو:
هن داخلا جون تصويرون نه مليون
ءَ جي صحيح استعمال بابت وفاقي ۽ صوبائي حڪومت کي ڪرين حقيقتن جو نوٽيس وٺڻ گهرجي ۽ سائنسي ڄاڻ جي بنياد تي پنهنجيون پاليسيون جوڙڻ گهرجن.“ صدر صاحب اها زوردار تقرير لاهور ۾ آبپاشي اداري جي افتتاحي تقريب ۾ ڪئي ۽ ٺيڪ ان ئي ڏينهن تي واپڊا فيصلو ڪيو ته ڪالاباغ بند جي اڏاوت لاءِ جواز گهڙڻ جو وقت اچي ويو آهي. ان کانپوءِ هڪدم اعلان ڪيو ويو ته 21 ڊسمبر کان ملڪ ۾ بجليءَ جي لوڊشيڊنگ ڪئي ويندي. لوڊشيڊنگ ٽي هفتا هلندي، شهري ۽ ڳوٺاڻن علائقن ۾ هلندي ۽ سڄي ملڪ ۾ هلندي. مقصد؟ مقصد اهو ته بجليءَ جي کوٽ پوري ٿيندي. بجلي ڇو کٽل آهي؟ جواب ملي ٿو ته بندن ۾ پاڻيءَ جي کوٽ آهي ۽ بجليءَ جي تياري متاثر پئي ٿئي. فيصلو ڪرڻ واري اختياري ڪير آهي؟ آبپاشي وزارت، جنهن جي گڏجاڻيءَ جي صدارت غلام مصطفيٰ کر ڪئي. اهو ئي غلام مصطفيٰ کر جنهنجو ذڪر سرائيڪي اڳواڻ مظفر هاشميءَ ڪيو.
پاڪستان ۾ ڪالاباغ بند جي خلاف جيتري دانهن ٿي آهي اوتري دنيا ۾ ڪشمير جي مسئلي تي به ڪو نه ٿي هوندي. پر، نه هندستان ڪشمير تي ظلم کان ٿو مڙي ۽ نه وري اسلام آباد جا حاڪم طبقا ڪالاباغ بند جي ظلم تان هٿ ٿا کڻن! صدر پاڪستان هڪ معتبر عهدو آهي. سنڌ جي عوام جي خواهش آهي ته ان عهدي کي ڪالاباغ جهڙي تڪراري مسئلي ۾ نه وچڙايو وڃي. اڳ ئي وفاق ۽ وفاقي نظام بحث جي شديد تلوار بازيءَ هيٺ آهن، ڪٿي ايئن نه ٿئي ته ان تلوار بازيءَ ۾، جڏهن ڪالاباغ رٿا اڀري اچي ته اهو اعتماد نه وڍجي وڃي جنهن لاءِ صدر صاحب پاڻ چوي ٿو، ”سڀ کان اهم ڳالهه اها ئي آهي.“