0000-00-00
داخلا نمبر 1489
عنوان ڪاپٽ ڪوٽيرو 2
شاخ محال ڪوهستان
پڙهيو ويو 5662
داخلا جو حوالو:
هن داخلا جون تصويرون نه مليون
ڪاپٽ ڪوٽيرو 2
بخاري صاحب لکيو، ”ان جي اولهه ۾ اٽڪل 110 فٽن جيتري فاصلي تي هڪ ٻي اڏاوت آهي جنهن جون ماپون 168X45 فٽن جيتريون هيون. ان ۾ چار ڪمرا هئا ۽ هر ڪمري کي اوڀر پاسي کان هڪ لنگهه به رکيل هو. اڏاوت جون ديوارون اٽڪل پنج فٽ ٿولهه سان هيون ۽ ڇهن فٽن جي اوچائيءَ تائين بيٺل هيون. هي اڏاوتون اڳ بيان ڪيل ٻنڌڙي ۽ پوکڻ يا ڪن ٻين سان ڀيٽڻ جهڙيون آهن. هتي واڌارو رڳو هڪ مندر (؟) جي عمارت جو آهي. هن ماڳ واريون ٻئي عمارتون سمڪالي آهن يا نه؟ ان بابت ڪنهن به ماهر اڃا تائين ڪا پختي راءِ قائم نه ڪئي آهي. ڀتين کانسواءِ ٻي ڪا به وٿ هتي نه ملي آهي.“
هي ماڳ ڪاپٽ ڪوٽيري 1 جي ڀرسان ڏکڻ اولهه ۾ آهي. هن ۾ به ڪا ثقافتي باقيات نظر نه ٿي اچي. اتر ڏکڻ رخ ۾ ٺهيل هن ڪوٽيري جي ڊيگهه ويڪر 55x14 ميٽر آهي ۽ ديوارن جي ٿولهه 1.30 ۽ 1.50 ميٽر ۽ اوچائي به ميٽر کن اٿس. ڪوٽيرو چئن برابر ڪمرن ۾ ورهايل آهي ۽ دروازا اوڀر رخ ۾ اٿس.
ٺڪريون ڳوليندي ڳوليندي جڏهن ڪجهه به نه مليو تڏهن ايوب نانگ جي کل کڻي آيو، ”سائين هي ٽي فٽ آهي!“
”بخاري صاحب! توهان هيترا ڪوٽيرا ڏٺا آهن، ڊيگهه ويڪر جاچي اٿو! چار چار ڪمرا اٿن پر لڳي ٿو ته توهان کي رهائش لاءِ اڃا ڪو پسند ڪونه ٿو اچي!“ مون چرچو ڪيو.
”سچ ته مطمئن ڪونه آهيان!“ بخاري صاحب چيو، ”ڪوٽيرن ۾ هيڏيون وڏيون جِنبون بلاڪ لڳل آهن پر اڃا به سائين چوي ٿو ته ٻيا ملن! هن کان پوءِ هن جوءِ ۾ شايد ئي ڪو ڪوٽيرو ڀاڳ ۾ ملي، في الحال ته ڪوبه ڏس وڃايو ڪونه اٿئون! ... اصل ۾ هتان جا روڊ رستا، ٻنيون ٻارا ۽ جاگرافي بدلجي وئي آهي، پراڻا ڏس پتا بيڪار ٿي ويا آهن. گهڻو ڪجهه ڊهي، بدلجي يا ڦٽي ويو آهي ... ڪچا رستا به درياهه وانگر پنهنجيون واٽون بدلائين ٿا.“
”ادا اهو ”ٽڪ مڪان“ وارو رستو ياد ڪجانءِ!“ بخاري صاحب سيف الملوڪ کي هوشيار ڪيو.