ابڙو اڪيڊمي Abro Academy
2020-11-06
داخلا نمبر 1207
عنوان ڪراچي ڇا ٿي سوچي؟.
شاخ پنهونءَ ڪارڻ پَٻ ۾: ايڊيٽوريل-2 روزاني برسات ڪراچي
پڙهيو ويو 1132
داخلا جو حوالو:
هن داخلا جون تصويرون نه مليون
جي نااهلي نه آهي ته اها باصلاحيت فردن کي صحيح رخ ۾ موڙي نه سگهي آهي؟ ڇا اها قومي ناڪامي نه آهي ته نعيم شري ۽ هن جهڙا ٻيا غلط پاسي هليا ويا آهن؟“
تحرير مان ظاهر آهي ته لکندڙ فرد نعيم شريءَ جي دهشتگرديءَ جي ذميواري به حڪومت وجهي ٿو ۽ نعيم شريءَ لاءِ همدرديءَ جا جذبا پيدا ڪرڻ جي ڪوشش ڪري ٿو. بيشمار بيگناهن جو قاتل نعيم شري ايڏو ئي ذهين ۽ انسان دوست آهي ته پوءِ هن پنهنجيون صلاحيتون غلط پاسي ڇو لاڙيون آهن ۽ هاڻي به ڇو نٿو دهشتگرديءَ مان هٿ ڪڍي؟ ههڙا ”ذهين ۽ جرئتمند“ سنڌي جڏهن ڌاڙيل ٿين ٿا ته ڪراچيءَ جي دانشورن کي سوچڻ جي ضرورت نٿي ٿئي. ذهانت ۽ جرئت کي صحيح رخ ۾ آڻڻ رڳو حڪومت جو ڪم نه آهي. خود انهن جو به ڪم آهي جيڪي هاڻي سندن وڪالت ڪن ٿا يا سندن ”قيادت“ هجڻ جي دعوا ڪن ٿا.
ڳالهه سڌي سادي آهي. ڪراچيءَ جا دانشور حضرات جن دليلن سان دهشتگردن جي مذمت ڪري سگهن ٿا، انهن ئي دليلن جي بنياد تي کين ”هيرو“ ڪري پيش ڪرڻ جي ڪوششن ۾ آهن. خبر نه آهي ته ڇو ڪاري کي ڪارو چوندي سندن زبان نٿي وري! گذريل سال جون تباهيون ورجائڻ مهل ڪراچيءَ جا دانشور دهشتگردن کي به اهو مشورو ڏيئي سگهن ٿا ته هيڏي خون خرابي کانپوءِ به ڪجهه نه ملڻو آهي ان ڪري مڙي وڃو... پر ايئن نٿو ڪيو وڃي ماڳيهي حڪومت کي اڻسڌي ۽ سڌن لفظن ۾ چيو وڃي ٿو ته ”دهشتگردن هيڏو خون خرابو ڪيو آهي، هاڻي ته دهشتگرديءَ آڏو هٿيار ڦٽا ڪيو! ۽ اهي دهشتگرد اصل ۾ هيرو اٿو، انهن اعليٰ فوجي عهدا ڏيو!“